লূকে লেখ্যে গম্ হবর্ 22:33 - Chakma Bible

³³ পিতর যীশুরে কলঅ, “প্রভু, তঅ সমারে মুই জেলোত্ যাদে আর মুরিবাত্তেয়ো যুক্কোল্ আঘং।”

লূকে লেখ্যে গম্ হবর্ 22:33 ပူးပေါင်းရင်းမြစ်များ

গম্ উপদেজ্ 28:26

যে নিজো জ্ঞান উগুরে নির্ভর গরে তে বিবেচনা নেইয়্যে, মাত্তর্ যে গোজেনর দিয়্যে বুদ্ধির পধেদি চলে তে গমেডালে থায়।

যিরমিয় 10:23

ও লগেপ্রভু, মুই হবর্ পাং মান্‌জ্যর জিংকানির-পথ্‌‍তান তার নিজোর্ নয়; তার টেঙ পোইদ্যেগুন উগুম দেনায়ো তার কাম নয়। ‍‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 20:22

জোবত্ যীশু পুয়োগুনোরে কলঅ, “তুমি কি পুযোর্ গরর্ সিয়েন্ ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা?” তারা জোবত্ কলাক্, “পারিবোং।”

মার্ক 14:29

সেক্কে পিতরে কলঅ, “বেক্কুনো মনত্ মানা এলেয়ো মঅ মনত্ মানা ন-এবঅ।”

মার্ক 14:31

মাত্তর্ পিতরে আরঅ জোর্ দিইনে কলঅ, “মত্তুন্ যুনি তঅ সমারে মরায়ো পড়ে তো মুই কনদিন্অ ন-কোম্, মুই তরে ন-চিনোং।” সেক্কেনে অন্য শিচ্চ্যগুনেয়ো বেক্কুনে সেই একই কধা কলাক্।

লূকে লেখ্যে গম্ হবর্ 22:34

জোবত্ যীশু কলঅ, “পিতর, মুই তরে কঙর্, এচ্চ্যে রাদা কুরো ডাগ্ কারিবার্ আগেদি তুই তিনবার্ মরে অস্বীগের্ গুরিনে কবে, তুই মরে ন-চিনোস্।”

লূকে লেখ্যে গম্ হবর্ 22:57

পিতর অস্বীগের্ গুরিনে কলঅ, “মুই তারে ন-চিনোং।”

যোহন 13:38

সেক্কে যীশু কলঅ, “ঘেচ্চেক্‌গুরি কি তুই মত্যে তঅ পরাণান্ দিবে? মুই তরে ঘেচ্চেক্‌গুরি কঙর্, রাদা কুরো ডাগ্ কারিবার্ আগেদি তুই তিনবার্ কবে, তুই মরে ন-চিনোচ্।”

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”