লূকে লেখ্যে গম্ হবর্ 22:3 - Chakma Bible

³ এ অক্তত্ যিহূদা, যিবেরে ইষ্কারিয়োৎ নাঙে ডাগা অদঅ, পরেদি তা ভিদিরে শদানে সুমিলো। এ যিহূদা এলঅ যীশুর বারজন শিচ্চ্যত্তুন্ একজন।

লূকে লেখ্যে গম্ হবর্ 22:3 ပူးပေါင်းရင်းမြစ်များ

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

মথি লেখ্যে গম্ হবর্ 10:4

একবুচ্চ্যে শিমোন আর যীশুরে যে শত্রুগুনো আঢত্ ধুরি দিয়্যে সেই যিহূদা ইষ্কারিয়োৎ।

মথি লেখ্যে গম্ হবর্ 26:23

জোবত্ তে তারারে কলঅ, “যে মঅ সমারে পিলেবোত্ আঢ্‌তান দের্ তেয়ই মরে ধুরি দিবো।

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

লূকে লেখ্যে গম্ হবর্ 22:21

চঅ, যে মরে ধুরি দিবো তা আঢ্‌তান্ মঅ আঢ্‌তানি সমারে এ টেবিলো উগুরে আঘে।

লূকে লেখ্যে গম্ হবর্ 6:16

যাকোবর্ পুয়ো যিহূদা আর যিহূদা ইস্করিয়োৎ, যে বিশ্বেজ্ ভাঙ্যে।

যোহন 12:6

যিহূদা যে নাঢা মানুচ্চুনো পৌইদ্যেনে চিন্তে গুরিনে এ কধাগান্ কোইয়্যে সিয়েন্ নয়। আসলে তে এলদে চুর্। টেঙা বাক্সুবো তাইধু থেদঅ বিলি যিগুন্ থুয়ো অদঅ সিগুনোত্তুন্ চুর্ গুরিদো।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?