লূকে লেখ্যে গম্ হবর্ 21:8 - Chakma Bible

⁸ জোবত্ যীশু কলঅ, “জাগি থাগঅ, কেঅ যেন তমারে ন-ঠগায়, কিয়া ভালোক্‌জনে মঅ নাঙে এইনে কধা কবাক্, ‘মুয়ই সিবে!’ আর ‘সময় কায়কুরে এচ্চ্যে।’ মাত্তর্ তারারে ন-বেঙেয়ো।

লূকে লেখ্যে গম্ হবর্ 21:8 ပူးပေါင်းရင်းမြစ်များ

যিরমিয় 29:8

তমা ভিদিরে ভাববাদী আর গোণোক্ক্যেগুনে যেন তমারে ন-ঠকায়। তারা যেদক্কানি স্ববন্ দেগন সিয়েনিত্ তুমি মনযোগ ন-দুয়ো।

মথি লেখ্যে গম্ হবর্ 24:11

বোউত্ ফক্কর্ ভাববাদী এইনে ভালোক্ জনরে ঠোগেবাক্।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

লূকে লেখ্যে গম্ হবর্ 17:23

মান্‌জ্যে তমারে কবাক্, উধু চঅ; বা ইধু চঅ। বারেদি ন-যেয়ো বা তারা পিজেদি ধাবা ন-দুয়ো।

লূকে লেখ্যে গম্ হবর্ 21:7

শিচ্চ্যগুনে যীশুরে পুযোর্ গুরিলাক্, “মাষ্টরবাবু, কক্কে ইয়েনি অবঅ আর কিবাবোত্যে চিহ্নো দেগিনে আমি বুঝি পারিবোং যে, ইয়েনি ঘুদিবার্ অক্ত ওইয়্যে?”

লূকে লেখ্যে গম্ হবর্ 21:9

তুমি যেক্কে যুদ্ধোর্ আর বিদ্রোহর্ হবর্ শুনিবা সেক্কে ন-দোরেয়ো, কিয়া পত্তমে ইয়েনি বেক্কানি অবঅ; মাত্তর্ সেক্কেয়ো যে শেজ্ সময়ান লুম্মেগি সিয়েন্ নয়।”

যোহন 5:43

মুই মর্ বাবা নাঙে এচ্চ্যং আর তুমি মরে মানি ন-লর্; মাত্তর্ অন্য কেঅ যুনি তা নিজো নাঙে এজে তারে তুমি মানি লবা।

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

যোহন 8:28

ইয়েনত্যে যীশু কলঅ, “যেক্কে তুমি মান্‌জ্যপুয়োবোরে অজলত্ তুলিবা সেক্কে বুঝি পারিবা, মুয়ই সিবে। আর ইয়েন্অ বুঝি পারিবা যে, মুই নিজোত্তুন্ কনকিজু ন-গরং, বরং বাবা মরে যে শিক্ষ্যেগান্ দিয়্যে মুই সে কধানি কং।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

২ থিষলনীকীয় 2:3

কেঅ যেন কনঅ বাবদে তমারে ভুল্ পধেদি ন-নেযায়; কিয়া সেই দিন্নো এবার আগেদি গোজেনর্ বিরুদ্ধে জদবদে বিদ্রোহ অবঅ আর সেই অবাধ্যবলা মরদ, যিবের্ ভস্ত অবার কধা আঘে, তে ফগদাং অবঅ।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।

২ যোহন 1:7

জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

ফগদাং পেইয়্যে 1:3

গোজেনর্ কধানি যিয়েনি ইয়েনত্ লেগা ওইয়্যে, যিবে সিয়েনি পড়ে তে বর্‌পেইয়্যে আর যিগুনে সিয়েনি শুনোন্ আর পালন গরন সিগুনেয়ো বর্‌পেইয়্যে, কিয়া সময়ান কায়কুরে লুম্মেগি।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।