লূকে লেখ্যে গম্ হবর্ 21:24 - Chakma Bible

²⁴ লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

লূকে লেখ্যে গম্ হবর্ 21:24 ပူးပေါင်းရင်းမြစ်များ

পত্থম 34:26

তারা হমোর আর তা পুয়োবোরেয়ো মারে ফেলেলাক্ আর শিখিম ঘরত্তুন্‌ দীণারেয়ো আনিলাক্।

যাত্রা 17:13

সেক্কে যিহোশূয় যুদ্ধোত্‌ অমালেকীয়গুনোরে অদেই দিলো।

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিশাইয় 63:18

তর্ সুদ্ধো-সাংগ জাগায়ান কয়েক দিনোত্তে তর্ যুদো গোজ্যে মানুচ্চুনোর আঢত্ এলঅ, মাত্তর্ ইক্কিনে আমা শত্রুগুনে সিয়েন টেঙোই উজ্যন্।

যিশাইয় 66:12

লগেপ্রভু কত্তে, “মুই তা ইন্দি গাঙ ধোক্ক্যেন গুরি ভালেদি বুয়োই দিম, আর জাদ্‌তুনোর ধন-সোম্বোত্তিগানি তা ইদু বান পানি ধোক্ক্যেন এবঅ। তুমি এবাবোত্যে চিগোন গুরো ধোক্ক্যেন অবা যিবেরে দুধ হেই হেই করত্ গুরি নেযা অয় আর আঢু উগুরে নাজা অয়। ‌‌

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 8:13

সে পরেদি মুই এক্কো পবিত্র স্বর্গদুতোরে কধা কদে শুনিলুং আর এক্কো পবিত্র স্বর্গদূতে তারে পুযোর্ গুরিলো, “এই দর্শনানত্ যিয়েন দেগা অলঅ সিয়েন কয়দিন ধুরি চলিবো? কয়দিন ধুরি পত্তিদিনোর্ উৎসর্বর অনুষ্ঠানর বদলে সর্বনাশ পাপর জিনিস থেবঅ? কয়দিন ধুরি উবোসনা-ঘর আর তারাগুনোরে টেঙোই উরো অবঅ?”

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

লূকে লেখ্যে গম্ হবর্ 21:25

“সেক্কে বেলান্, চানান্ আর তারাগুনো ইধু বোউত্ চিহ্নো দেগা যেবঅ। পিত্‌থীমিত্ বেক জাদ্‌তুনে দুঘ্ পেবাক্ আর দোজ্যে সাগরর্ গুজুরোনি আর তুবোলত্তে তারা অমকদ থির্ নেইয়্যে অবাক্।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

ইব্রীয় 11:34

জদবদে আগুনোর্ তেজ্‌চান কোমেই দুয়োন্, ছুরির্ আঘাদত্তুন্ রোক্ষ্যে পেইয়োন, বল্-পোজ্জ্যে অলেয়ো বোলী ওইয়োন, যুদ্ধোত্ বল্ দেগেয়োন আর বিদেশী সৈন্যদলুনোরে ধাবেই দুয়োন্।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।