লূকে লেখ্যে গম্ হবর্ 21:15 - Chakma Bible

¹⁵ কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

লূকে লেখ্যে গম্ হবর্ 21:15 ပူးပေါင်းရင်းမြစ်များ

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

যিহিষ্কেল 29:21

“সেদিন্যে মুই ইস্রায়েল জাদরে খেমতাবলা গুরিম আর তারা ভিদিরে কধা কবাত্তে তর্ মুয়োন খুলি দিম। সেক্কে তারা হবর্ পেবাক্, মুয়ই লগেপ্রভু।”

লূকে লেখ্যে গম্ হবর্ 12:12

কি কুয়ো পরিবো পবিত্র আত্মাগানে সেলক্কে সিয়েনি তমারে শিগেই দিবো।”

লূকে লেখ্যে গম্ হবর্ 21:16

তমার্ মা-বাবে, তমার্ ভেইয়ুনে আর তমার্ ইত্ত্য-কুদুম্মোগুনে, তমার্ সমাজ্জ্যেগুনে তমারে ধুরিবাক্; আর কয়েকজনে তমারে ধুরিনে মারেয়ো ফেলেবাক্।

লূকে লেখ্যে গম্ হবর্ 24:45

পবিত্র বোইবো বুঝিবাত্যে তে শিচ্চ্যগুনোরে বুদ্ধি খুলি দিলো আর তারারে কলঅ, “লেগা আঘে, মশীহত্তুন্ দুঘ্ পাহ্ পুরিবো আর তিন দিনোর্ দিন্নোত্ মরণত্তুন্ জেদা ওই উদো পুরিবো।

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

প্রেরিত্‌ 26:28

সেক্কে আগ্রিপ্প পৌলরে কলঅ, “তুই কি এদক্ কম সময়ো ভিদিরে মরে খ্রীষ্টান গুরিবার্ চেষ্টা গরর্।”

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

ইফিষীয় 6:19

মত্যেয়ো তবনা গরঅ যেন মুই যেক্কে কধা কং সেক্কে গোজেনে মরে এমন্‌ ভাষা যুগেই দে যাতে মুই সাহচ্‌ গুরিনে তার্ দিয়্যে গম হবরর্ গুমুরো সত্যগান্ প্রচার গুরি পারং।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।