লূকে লেখ্যে গম্ হবর্ 20:37 - Chakma Bible

³⁷ জ্বোল্‌‌‌‌জোল্যে ঝুবো পৌইদ্যেনে যিয়েনত্ লেগা আঘে সিয়েনত্ মোশি দেগেই দিয়্যেদে যে, মরাগুনে ঘেচ্চ্যেক্‌‌‌‌গুরি জেদা ওই উদোন্। সিয়েনত্ মোশি প্রভুরে অব্রাহামর্ গোজেন, ইস্‌হাকর্ গোজেন আর যাকোবর্ গোজেন বিলি ডাক্ক্যে।

লূকে লেখ্যে গম্ হবর্ 20:37 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:21

যুদি মুই আরঅ মঅ বাবঅ ঘরত্‌ গমে-ডালে ফিরিনে এ পারং, সালে এ লগেপ্রভুরে মুই মর্‌ গোজেন বিলিনে মানিম।

পত্থম 32:9

যাকোবে গোজেন ইধু ইয়েন কোইনে তবনা গুরিলো, ও লগেপ্রভু, মর্‌ আগ মানুচ্ অব্রাহামর গোজেন, মর্‌ বাপ্পো ইস্‌হাকর্‌ গোজেন, তুয়ই দঅ মরে কোইয়োচ্‌ মঅ দেজত্‌, মর্‌ নিজো মানুচ্চুনো ইধু ফিরি যেবাত্তে, আর সিধু তুই মরে ভালেদ্ গুরিবে।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

দ্বি’লম্বর বিররণ 33:16

দুনিয়ার ভোজ্যে গম গম জিনিস দিইনে, আর জোল্‌জোল্যে ঝুপোত্‌ যিবে এলঅ তার দোয়্যেলোই। যোষেফর মাদাত্‌ এ বেক্‌ আশিদ্‌বাদতানি ঝুড়ি পোড়োক্‌; ভেইয়ুনো ভিদিরে যে গম্‌ তারই মাদাত্‌ ঝুরি পোরোক্‌ এই বেক আশিদ্‌বাদতানি।