লূকে লেখ্যে গম্ হবর্ 20:36 - Chakma Bible

³⁶ তারা আর্ মুরি ন-পারন্, কিয়া তারা স্বর্গদূত্‌‌‌‌তুনো ধোক্ক্যেন্। তারা গোজেনর্ পুয়ো কিয়া মরণত্তুন্ তারারে জেদা গরা ওইয়্যে।

লূকে লেখ্যে গম্ হবর্ 20:36 ပူးပေါင်းရင်းမြစ်များ

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

মথি লেখ্যে গম্ হবর্ 22:30

যেক্কেনে মরাগুনে জেদা ওই উদিবাক্, তারা মেলা ন-গুরিবাক্ আর তারা স্বর্গদূদো ধোক্ক্যেন্ অবাক্।

মার্ক 12:25

যেক্কেনে মরাগুনে জেদা ওই উদিবাক্, তারা মেলা ন-গুরিবাক্ আর তারা স্বর্গদূদো ধোক্ক্যেন্ অবাক্।

রোমীয় 8:16

পবিত্র আত্মাগানেয়ো নিজে আমা মনত্ এই সাক্ষিগান দেত্তে যে, আমি গোজেনর্ পুয়ো।

১ করিন্হীয় 15:26

শেষ শত্রুবো যে মরণান্, তারেয়ো ভস্ত গরা অবঅ।

১ করিন্হীয় 15:42

মরাগুনোর্ জেদা ওই উদানায়ো ঠিগ্ সেবাবোত্যে। কিয়্যেগান্ কবর্ দেনার পরেদি সিয়েন বর্‌বাদ ওই যায়, মাত্তর্ সেই কিয়্যেগান এমন্‌ অবস্থায় জেদা গুরি তুলো অবঅ যিয়েন আর কনদিন্অ বর্‌বাদ ন-অবঅ।

১ করিন্হীয় 15:49

আমি যেধোক্ক্যেন সেই মাদির্ মান্‌জ্য ধোক্ক্যেন্ ওইয়্যেই ঠিগ্ সেবাবোত্যে গুরি সেই স্বর্গর্ মান্‌জ্য ধোক্ক্যেন্অ অবং।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”