লূকে লেখ্যে গম্ হবর্ 20:20 - Chakma Bible

²⁰ সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

লূকে লেখ্যে গম্ হবর্ 20:20 ပူးပေါင်းရင်းမြစ်များ

২ শমূয়েল 14:2

যোয়াবে সেক্কে তকোয়ত্‌ মানুচ্‌ পাদেইনে সিয়োত্তুন্‌ এক্কো চালাগ্ মিলে আনিলো। তে তারে কলঅ, “তত্তুন্‌ আবিলেচ্‌ গুরিবার্‌ ছলনা গরা পুরিবো। তুই আবিলেজর্‌ পোজাক্‌ উরিবে আর কিয়্যেত্‌ তেল্‌ ন-মাজিবে। তুই যেনে মরাবোত্তে ভালোক্‌দিন ধুরিনে আবিলেচ্‌ গোজ্যস্‌ নিজোরে সেধোক্ক্যেন্ গুরি দেগেবে।

গীতসংহিতা 38:12

মরে যিগুনে মারে ফেলেবাত্তে চান্ তারা মত্তে ফাল্ পাত্যন্; যিগুনে মরে ক্ষেতি গুরিবাত্তে চান তারা মরে ভস্ত অবার্ দর্ দেগান; পুরো দিন্নো তারা বানা মরে ঠোগেবার ফন্দি গরন্।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

যিরমিয় 11:19

মুই অলুংগে গঙাত্ দিবাত্তে নেযেয়্যে লক্ষী ভেড়া ছঅ ধোক্ক্যেন; মুই বুঝি ন-পারং, তারা ইয়েন কোইনে মঅ বিরুদ্ধে কুজুরোমী গোজ্যন, “এজঅ, আমি গাজ্ আর তার গুলোগুন বর্‌‍‍‌‌‌বাত লাগেই; এজঅ, আমি তারে জেদাগুনো দেজত্তুন্ কাবি ফেলেই দিই যেনে তা নাঙান আর মনত্ রাগা ন-অয়।”

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

মথি লেখ্যে গম্ হবর্ 27:2

তারা যীশুরে বানি নেযেইনে রোমীয় আজল্ শাসনগুরিয়্যে পীলাত আঢত্ দিলাক্।

লূকে লেখ্যে গম্ হবর্ 20:21

সেনত্তে তারা তারে কলাক্, “মাষ্টরবাবু, আমি হবর্ পেই, তুই যিয়েনি কচ্ আর শিক্ষ্যে দুয়োচ্ সিয়েনি ঠিগ্। তুই বেক্কুনোরে সং চোগেদি দেগচ্ আর সত্য গুরিনে গোজেনর্ পধ পৌইদ্যেনে শিক্ষ্যে দি থাচ্।

লূকে লেখ্যে গম্ হবর্ 20:26

মানুচ্চুনো মুজুঙোত্ যীশু যিয়েন্ কোইয়্যে সিয়েন্দোই সেই এস্পাইয়ুনে তারে তা কধালোই ফালত্ ফেলেই ন-পারিলাক্। তা কধালোই আমক্ ওইনে তারা জুরো ওই গেলাক্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।