লূকে লেখ্যে গম্ হবর্ 20:17 - Chakma Bible

¹⁷ সেক্কে যীশু তারা ইন্দি রিনি চেইনে কলঅ, “সালে এই যে কধাগান্ পবিত্র বোইবোত্ লেগা আঘে, রাজমিস্ত্রিগুনে যে পাত্তর্‌‌‌‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো-ইয়েনর্ অত্তগান্ কি?

লূকে লেখ্যে গম্ হবর্ 20:17 ပူးပေါင်းရင်းမြစ်များ

গীতসংহিতা 118:22

রাজমিস্ত্রিগুনে যে শিল্লো বাদ দি দুয়োন্ সিবে বেগত্তুন্ দরকারি শিল্ অলঅ;

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

সখরিয় 10:4

যিহূদাত্তুন্ কুণো পাত্তর্, তাম্বুলোর্ খুদো, যুদ্ধোর ধনু আর বেক্ শাজন্‌ গুরিয়্যেগুন এবাক্।

সখরিয় 3:9

ও যিহোশূয়, মুই তঅ মুজুঙোত্ এক্কো পাত্তর্ থোইয়োং। সেই পাত্তর্‌‌‌‌‌‌বো উগুরে সাত্‌তো চোগ্ আগন, আর তা উগুরে মুই এক্কান কধা খোদাই গুরিম আর মুই এক দিনে এ দেজর্ পাপ্‌‌‌‌‌‌‌পানি দূর গুরি দিম।‌‌‌‌

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

মার্ক 10:23

সেক্কে যীশু চেরোকিত্তে রিনি চেইনে তা শিচ্চ্যগুনোরে কলঅ, “থাগোইয়্যে মান্‌জ্যর্ পক্ষে গোজেন রেজ্যত্ সমানা কত্তমান্ আগাত্ত্যে!”

মার্ক 12:10

তুমি কি পবিত্র বোইবোত্ ন-পড়অ, ‘রাজমিস্ত্রিগুনে যে পাত্তর্‍‍‍বো বাদ্ দুয়োন সিবেয়ই বেগত্তুন্ দরকারী পাত্তর্ ওই উদিলো;

মার্ক 3:5

সেক্কে যীশু বিরক্ত ওইনে তারা ইন্দি রিনি চেলঅ আর তারার্ মনানি দরঅ বিলিনে অমকদ দুঘে সেই মানুচ্চুনোরে কলঅ, “তঅ আঢ্‌‌তান্ বাবেই দে।” মানুচ্চো আঢ্‌‌তান বাবেই দেনার্ পরেদি তা আঢ্‌‌তান এক্কুবারে গম্ ওই গেলঅ।

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

লূকে লেখ্যে গম্ হবর্ 22:37

পবিত্র বোইবোত্ লেগা আঘে, ‘তারে পাপীগুনো সমারে গুণো অলঅ।’ মুই তমারে কঙর্, এ কধাগান্ মঅ মাধ্যমে পূরোণ্ ওয়া পুরিবো, কিয়া মঅ পৌইদ্যেনে যিয়েন্ লেগা আঘে সিয়েন্ পূরোণ্ অবাত্তে যার্।”

লূকে লেখ্যে গম্ হবর্ 22:61

সেক্কে প্রভুর্ মুয়োন্ চেরোকিত্তেদি ঘুরেইনে সোজা পিতর ইন্দি রিনি চেলঅ। আর প্রভু তারে কি কোইয়্যে সে কধাগান্ পিতরর্ মনত্ পড়িলো, “এচ্চ্যে রেদোত্ রাধাকুড়োই ডাগ্‌ কারিবার্ আগেদি তুই তিন পল্লা কবে, তুই মরে ন-চিনোস্।”

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 15:25

ইয়েন ওইয়্যে যেন তারার্ আইন-কানুনোত্ লেগা এ কধাগান্ পূরোণ্ অয়, তারা অকারণে মরে ঘিনেয়োন্।

প্রেরিত্‌ 4:11

পবিত্র বোইয়োর্ কধা মজিম্ যীশু খ্রীষ্ট ‘সেই পাত্তর্‌বো, যিবেরে রাজ্ মিস্ত্রিগুনে, অত্তাৎ তুমি বাদ্ দুয়ো; আর সিবেয়ই বেক্কুনোত্তুন্ দরকারী পাত্তর্ ওই উদিলো।’

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

১ পিতর 2:6

পবিত্র বোইবোত্ লেগা আঘে, চঅ, এক্কো ভারী মংগা পাত্তর্ মুই বেঈ লোইয়োং; আর সিবে সিয়োনর কণাবোর্ গড়াগান পাত্তর্ ইজেবে থিদেবর্ গোজ্জ্যং। যে তা উগুরে বিশ্বেজ্ গরে তে কনঅ বাবদে আশা ন-আরেব।