লূকে লেখ্যে গম্ হবর্ 20:11 - Chakma Bible

¹¹ সেক্কে তে আর এক্কো চাগররে পাধেই দিলো, মাত্তর্ চাষাবলাগুনে তারেয়ো মারিলাক্ আর অগমান্ গুরিলাক্ আর খালি আঢে পাধেই দিলাক্।

লূকে লেখ্যে গম্ হবর্ 20:11 ပူးပေါင်းရင်းမြစ်များ

হোশেয় 10:1

ইস্রায়েল এলদে এক্কান ছিদি যেইয়্যে লুদি; সিয়েনত্ বোউত্ গুলোগুলি ধোজ্যন্। সিয়েন ফলুন্ যেদক বাজ্যন্ সেদক্ বেশ্ সোংখ্যেদি তে পূজো বানেয়্যে; তা দেজত্ যেদক্ ভালেদি ওইয়্যে সেদক্ তে তার্ পূজোর পাত্তরুন দোলেডালে সাজেয়্যে।

মার্ক 12:4

পরেদি গিরোজ্‌সো আর এক্কো চাগররে তারা ইধু পাধেই দিলাক্। চাষাবলাগুনে তা মাঢাবোত্ আঘাত্ গুরিলাক্ আর তা লগে অমকদ ভান্ন্যেই বেবহার গুরিলাক্।

লূকে লেখ্যে গম্ হবর্ 20:10

যেক্কে আংগুরুন পাগিবার্ অক্ত ওই এলঅ সেক্কে তে সেই আংগুরোর্ ভাগ্‌কুন আনিবাত্তে তা চাগরুনোরে সেই চাষাবলাগুনো ইধু পাধেই দিলো। মাত্তর্ চাষাবলাগুনে তারে মারিনে খালি আঢে ফেরৎ পাধেই দিলাক্।

লূকে লেখ্যে গম্ হবর্ 20:12

যেরেদি তে তিন লম্বর্ চাগর্‌‌‌‌বোরে দিপাধেল, মাত্তর্ চাষাবলাগুনে তারেয়ো অমকদ মারিনে ধাবেই দিলাক্।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

১ থিষলনীকীয় 2:2

তুমি এ কধাগান্অ কোই পারঅ, ইয়েন্অ আগে ফিলিপী শঅরত্ আমি অত্যেচার ভুগ্ গোজ্জ্যেই আর অসর্মান্অ ওইয়্যেই। মাত্তর্ এ মানাগানি থেলেয়ো আমা গোজেনত্তুন্ সাহচ্‌ পেইনে তা গম হবরর্ কধানি আমি খুলোমেলা গুরি তমা ইধু কোইয়্যেই।