লূকে লেখ্যে গম্ হবর্ 2:44 - Chakma Bible

⁴⁴ যীশু তারা সমারে মানুচ্চুনো লগে আঘে মনে গুরিনে তারা এক দিনো পথ গেলাক্। যেরেদি তারা তারার্ কুদুম্মো আর হবর্ পেইয়্যে মানুচ্চুনো ইধু যীশুরে তোগা ধুরিলাক্।

লূকে লেখ্যে গম্ হবর্ 2:44 ပူးပေါင်းရင်းမြစ်များ

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

লূকে লেখ্যে গম্ হবর্ 2:43

পরবর্ শেজদি তারা যেক্কে ঘরত্ ফিত্তোন্ সেক্কে যীশু যিরূশালেমত্ রোই গেলঅ। মাত্তর্ তা মা-বাবে সে কধাগান হবর্ ন-পেদাক্।

লূকে লেখ্যে গম্ হবর্ 2:45

মাত্তর্ চুগ্ ন-পেইনে তারে তোগাদে তোগাদে তারা আরঅ যিরূশালেমত্ ফিরি গেলাক্।

লূকে লেখ্যে গম্ হবর্ 23:49

যিগুনে যীশুরে চিনিদাক্ আর যে মিলেগুনে গালীলত্তুন্ ধুরি তা সমারে সমারে এচ্চ্যন্ তারা বেক্কুনে দূরোত্ থিয়্যেইনে বেক্কানি দেক্ক্যন্।