লূকে লেখ্যে গম্ হবর্ 2:41 - Chakma Bible

⁴¹ উদ্ধোর্-পরবর্ সময়োত্ যীশুর মা-বাবে পত্তি বজর্ যিরূশালেমত্ যেদাক্।

লূকে লেখ্যে গম্ হবর্ 2:41 ပူးပေါင်းရင်းမြစ်များ

যাত্রা 12:11

তুমি এ অবস্থায়্‌ সিয়েনি হেবা; তমা কাবড়্‌ থেবঅ কমরত্‌ গুজেয়্যে, টেঙত্‌ থেবঅ জদা আর আঢত্‌ লুদিক্‌। তুমি যাদিমাদি হেবা। ইবে অলঅ লগেপ্রভুর নাঙে উদ্ধোর-পরবর্‌ হানা।

যাত্রা 12:14

তমাত্যে সেদিন্নো অবঅ এক্কো নাঙ্‌ থাইদে দিন। লগেপ্রভুর নাঙে এ পরপ্‌পো এক্কো উমরত্যে সুদোম্‌ ইজেবে তমা বংশর পর বংশ ধুরি পালন্‌ গুরিবাক্‌।

যাত্রা 34:23

বজরে তিনবার্‌ তমার বেক্‌ মরত্তুনোত্তুন্‌ প্রভু লগেপ্রভুর্‌ মুজুঙোত্‌ আঝিল্ উয়ো পুরিবো। তেয়ই ইস্রায়েলীয়গুনোর গোজেন।

লেবীয় 23:5

বজরর্‌ পত্তম মাজর্‌ চৌদ্দো তারিগোত্‌ সাজোন্যে অক্তত্‌ লগেপ্রভুর্ নাঙে উদ্ধোর্‌-পরব্‌ আরাম্ভ অবঅ।

গণাণা 28:16

বজরর্‌ পত্তম মাজর্ চৌদ্দো তারিগোত্‌ লগেপ্রভুর্ নাঙে উদ্ধোর-পরব্‌ পালন গরা পুরিবো।

লূকে লেখ্যে গম্ হবর্ 2:42

যীশুর বয়জ যেক্কে বার বজর্ সেক্কে সুদোম্ মজিম্ তারা সেই পরবত্ গেলাক্।

যোহন 11:55

সেক্কে যিহূদীগুনোর্ উদ্ধোর্-পরব্ কায়কুরে এচ্চ্যে। পরবর্ আগেদি নিজোরে সিজি গুরিবাত্যে ভালোক্কুন্ মানুচ্ আদামত্তুন্ যিরূশালেমত্ যেয়োন্।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 2:13

যিহূদীগুনোর্ উদ্ধোর-পরব সময় এলে পরেদি যীশু যিরূশালেমত্ গেলঅ।

যোহন 6:4

সেক্কে যিহূদীগুনোর উদ্ধোর্-পরব সময়বো এচ্চ্যে।

দ্বি’লম্বর বিররণ 12:11

সেক্কে তে নিজোরে ফগদাং গুরিবাত্তে যে জাগায়ান তার থেবারজাগা ইজেবে বেঈ লবঅ সিয়েনত্‌ তুমি মর্‌ উগুম্‌ গোজ্যে বেক্‌ জিনিস্‌ছানি আনিবা-তমার পুজ্যে-উৎসর্ব আর অন্য য়েমান-উৎসর্ব, তমা আয়র্‌ দশ ভাগর এক ভাগ, বিশেষ দান আর তমার বেঈ নেযেয়্যে জিনিস্‌ছানি যিয়েনি তুমি লগেপ্রভু ইদু মানত্‌ গোজ্য।

দ্বি’লম্বর বিররণ 12:18

তমার গোজেন লগেপ্রভুর বেঈ লোইয়্যে জাগানত্‌ তা মুজুঙোত্‌ ইয়েনি তমাত্তুন্‌ খা পুরিবো। তুমি, তমার ঝি-পূঅগুন, তমার চাগর-চাগরানীগুন আর তমার আদাম্মে আর শঅরর লেবীয়গুনে সিয়েনি হেই পারিবাক্ আর তমার কামর ফলুন নেযেইনে তমার গোজেন লগেপ্রভুর মুজুঙোত্‌ ফুত্তি গুরিবা।

দ্বি’লম্বর বিররণ 16:16

তমার গোজেন লগেপ্রভুর বেঈ লোইয়্যে জাগানত বজরে তিনপল্লা, অত্তাৎ সদাছাড়া পিদের পরবর্‌ সলাবোত্‌, সাত সাপ্তার্ পরবর্‌ সলাবোত্‌ আর নাদা মান্‌জ্যর-ঘরর পরবর্‌ সলাবোত্‌ তমার বেক্‌ মরদ্‌তুনে লগেপ্রভুর মুজুঙোত্‌ আঝিল্ উয়ো পুরিবো। কনজনে যেনে খালি আঢ্‌তোই লগেপ্রভুর মুজুঙোত্‌ আঝিল্ ন অয়।

১ শমূয়েল 1:21

পরেন্দি ইল্‌কানা পত্তি বজর ধোক্ক্যেন তা গিরির্ বেক্কুনোরে নেযেইনে লগেপ্রভুর নাঙে য়েমান-উৎসর্ব আর মান্যা ছিড়েবাত্তে গেলঅ।

১ শমূয়েল 1:3

ইল্‌কানা পত্তি বজর তা শঅরত্তুন শীলোত যেদঅ। তে সিদু যেইনে গোদা সংসারানর গিরোজ্ লগেপ্রভুর তবনা আর তা নাঙে য়েমান উৎসর্ব গুরিদো। সেক্কে সিদু ধর্মগুরু এলির দ্বিবে পূঅ লগেপ্রভুর ধর্মগুরু এলাক্। তারার নাঙানি এলদে হফ্‌নি আর পীনহস।