লূকে লেখ্যে গম্ হবর্ 2:21 - Chakma Bible

²¹ জর্মর্ আস্টো দিনোত্ যিহূদীগুনোর সুদোম্ মজিম্ যেক্কে চিগোন্ গুরোবোর্ সুন্নত গুরিবার্ অক্ত অলঅ সেক্কে তা নাঙান্ থুয়ো অলঅ যীশু। মা পেদত্ এবার্ আগেদি স্বর্গদূত্তো তার্ এ নাঙান্ দিয়্যে।

লূকে লেখ্যে গম্ হবর্ 2:21 ပူးပေါင်းရင်းမြစ်များ

পত্থম 17:12

বংশর্‌ পর্‌ বংশ ধুরিনে তমার্‌ পত্তি মরদ্‌ পুয়োগুনোর্‌ জর্ম অনার্‌ আস্‌টো দিনোত্‌ এ চুনুগুলোবোর্ মাদাগান্ কাবানা অনুষ্ঠানান্‌ গরা পড়িবো। তর্‌ বংশর্‌ কনজনে ন-ওইনে তমা ঘরর্‌ চাগর্‌ অলেয়ো তারারে বেক্কুনোরে এ চুনুগুলোবোর্ মাদাগান কাবি দে পড়িবো, তারা তমা ঘরত্‌ জর্মেয়োন এবাবোত্যে কনঅ চাগরর্‌ পুয়ো ওক্‌ বা টেঙালোই বিদেশীগুনোত্তুন্‌ কিনে চাগর্‌ ওক্‌।

লেবীয় 12:3

আস্‌টো দিনোত্‌ পূঅবোর্ চুনুগুলো মাদাগান্ কাবিদে পুরিবো।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 1:25

তে মরিয়মরে মোগ্ ইজেবে ললঅ, মাত্তর্ পুয়োবোর্ জর্ম ন-অনা সং তা সমারে ন-থেলঅ। পরেদি যোষেফে পুয়োবোর্ নাঙান্ যীশু রাগেল।

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

লূকে লেখ্যে গম্ হবর্ 1:31

শুন্, তুই পিদিলী অবে আর তর্ এক্কো পুয়ো অবঅ। তুই তা নাঙান্ যীশু রাগেবে।

লূকে লেখ্যে গম্ হবর্ 1:59

যিহূদীগুনোর্ সুদোম মজিম্ আস্ট্য দিনোত্ তারা পুয়োবোরে সুন্নত গুরিবার কামত্ এগত্তর্ অলাক্। তারা পুয়োবো নাঙান্ তা বাবঅ নাঙান ধোক্ক্যেন্ সখরিয় রাগেবাত্তে চেলাক্,

ফিলিপীয় 2:8

ইয়েনবাদে চেঙেরাদি মানুচ্‌ ওইনে মরণ সং, এন্ কি, ক্রুশো উগুরে মরণ সং বাধ্য থেইনে তে নিজোরে চিগোন্ গুরিলো।