লূকে লেখ্যে গম্ হবর্ 2:12 - Chakma Bible

¹² এ কধাগান যে সত্য তমা ইধু সিয়েনর্ চিহ্নোগান অলঅ ইয়েন-তুমি কাবড়ত্ বেড়েয়্যে আর গোরু পিয়োঙত্ থোইয়্যে এক্কো চিগোন্ চিজিরে দেগিবা।”

লূকে লেখ্যে গম্ হবর্ 2:12 ပူးပေါင်းရင်းမြစ်များ

২ রাজাবলী 19:29

ও হিষ্কিয়, তত্তেই চিহ্নোগান্‌ অবঅ ইয়েন্‌: এ বজরত্‌ নিজে নিজে যিয়েনি জোর্মেব তুমি সিয়েনি হেবা, আর দ্বিবজরত্‌ সিয়েনিত্তুন্‌ যিয়েনি জোর্মেব সিয়েনি হেবা। মাত্তর্‌ তিন বজরত্‌ তুমি বীজ্‌ ফেলেবা আর খেত্-খেত্তি কাবিবা আহ্ আংগুর ক্ষেত্‌তানি গুরিনে সে গুলোগুলিগুন্‌ হেবা।

২ রাজাবলী 20:8

ইয়েন আগেন্দি হিষ্কিয় যিশাইয়রে পুযোর্‌ গুরিলো, “লগেপ্রভু যে মরে গম্‌ গুরিবো আর ইক্কিনিত্তুন্‌ ধুরি তিন দিন পরেন্দি মুই লগেপ্রভু ঘরত্‌ যেই পারিম্‌ সিয়েন চিহ্নোগান্‌ কি?”

গীতসংহিতা 22:6

মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্‌‌জ্যে মরে ঈচ্ গুরিদাক্।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যিশাইয় 7:11

“তুই তর্ গোজেন লগেপ্রভু ইদু কঅ যেন তে তরে এক্কান চিহ্নো দেগায়-সেই চিহ্নোগান মরন জাগাত্তুন্ ধুরি স্বর্গ সং যে কনঅ জাগাত্ দেগা যেই পারে।”

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

লূকে লেখ্যে গম্ হবর্ 2:13

এ সময়োত্ সেই স্বর্গদূত্তুনো সমারে আদিক্ক্যেগুরি সিধু আরঅ বোউত্ স্বর্গদূতোরে দেগা গেলঅ। তারা গোজেনরে নাঙ্ গিণোদে গিণোদে কুয়ো ধুরিলাক্।

লূকে লেখ্যে গম্ হবর্ 2:7

সিধু তার্ পত্তম পুয়োবোর্ জর্ম অলঅ, আর তে পুয়োবোরে কাবড়ত্ বেড়েইনে য়েমানর্ হের খাজাবোত্ থলঅ, কিয়া হোটেলত্ তারাত্তে কনঅ জাগা ন-এলঅ।

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।