লূকে লেখ্যে গম্ হবর্ 19:37 - Chakma Bible

³⁷ এবাবোত্যেগুরি যীশু যিরূশালেম ইধু এইনে যে পধ্‌‌‌‌তান্ জৈতুন মুড়োত্তুন্ লামি যেয়্যে সেই পধ্‌‌‌‌থানত্ এলঅ। যীশু সমারে তার্ বোউত্ শিচ্চ্য এলাক্। সেই শিচ্চ্যগুনে তার্ যে বেক আমক্ কামানি দেক্কোন্ সিয়েনিত্তে খুজীয়্যে রঅ ছাড়িনে গোজেনরে বাঈনী গুরিনে কুয়ো ধুরিলাক্,

লূকে লেখ্যে গম্ হবর্ 19:37 ပူးပေါင်းရင်းမြစ်များ

১ বংশধর 15:28

এধোক্ক্যেন গুরিনে বেক্‌ ইস্রায়েলীয়গুনে রঅ সারদে সারদে আর শিংগা, তূরী, করতাল, বীণা আর সুরবাহার বাজাদে বাজাদে লগেপ্রভুর বেবস্থা-সুন্দুক্কো যিরূশালেমত্‌ আনিলাক্।

২ বংশধর 29:36

গোজেনে তা মানুচ্চুনোত্তে এ বেক্‌ কামানি খুব্‌ যাদিমাদি গোজ্যে বিলিনে হিষ্কিয় আর বেক্‌ মানুচ্চুনে রঙ্গ-ফুত্তি গুরিলাক্‌।

মথি লেখ্যে গম্ হবর্ 21:1

যীশু আর তা শিচ্চ্যগুনে যিরূশালেম কায়-কুরে লুমিনে জৈতুন্ মুড়োবো উগুরে বৈৎফগী আদাম ইধু এলাক্,

মার্ক 13:3

যীশু যেক্কে উবোসনা-ঘরর্ আরেক্ কিত্তেদি জৈতুন মুড়োবোত্ বুয়োই এলঅ সেক্কে পিতর, যাকোব, যোহন আর আন্দ্রিয় তারে আন্দলে আন্দলে পুযোর্ গুরিলাক্,

মার্ক 14:26

পরেদি তারা এক্কো গীদ্ গেই গেই নিগিলিনে জৈতুন্ মুড়োবোত্ গেলাক্।

লূকে লেখ্যে গম্ হবর্ 18:43

মানুচ্চো সেক্কে লগে লগে চোগেদি দেগিলো আর গোজেনরে বাঈনী গত্তে গত্তে যীশুর্ পিজে পিজে গেলঅ। ইয়েন দেগিনে বেক্ মানুচ্চুনে গোজেনরে নাঙ্ গিনিলাক্ ।

লূকে লেখ্যে গম্ হবর্ 19:20

সে পরেদি অন্য আর এক্কো চাগর্ এইনে কলঅ, প্রভু, এইয়্যে তঅ টেঙাগুন; মুই তঅ টেঙাগুন্ রূমোল কানিত্ বানি থোইয়োং।

লূকে লেখ্যে গম্ হবর্ 19:29

যেক্কে তে জৈতুন মুড়োবো ধাগত্ বৈৎফগী আর বৈথনিয়া আদাম ইধু লুমিলো সেক্কে তা দ্বিজন শিচ্চ্যরে ইয়েন কোইনে আগে দিপাধেল,

লূকে লেখ্যে গম্ হবর্ 19:36

তে যেক্কে যার্ সেক্কে মানুচ্চুনে নিজো কিয়্যে কাবড়ান্ পধত্ বিজেই দিয়্যে ধল্ল্যাক্।

লূকে লেখ্যে গম্ হবর্ 7:16

ইয়েন্দোই বেক্কুনো মনত্ ভোক্তি আর দর্ লাগিলো। তারা গোজেনরে বাঈনী গুরিনে কুয়ো ধুরিলাক্, “আমা ইধু এক্কো দাঙর্ ভাববাদী আজির্ ওইয়্যে। গোজেনে দোয়্যে গুরিনে তা মানুচ্চুনো ইন্দি মনযোগ্ দিয়্যে।”

যোহন 12:18

সেনত্তে মানুচ্চুনে যীশুরে অাগ্‌বারেই আনিবাত্যে যেয়োন্, কিয়া তারা শুন্ন্যন্‌দে যীশুই সেই আমক্ অবার্ কামান্ গোজ্যে।