লূকে লেখ্যে গম্ হবর্ 19:29 - Chakma Bible

²⁹ যেক্কে তে জৈতুন মুড়োবো ধাগত্ বৈৎফগী আর বৈথনিয়া আদাম ইধু লুমিলো সেক্কে তা দ্বিজন শিচ্চ্যরে ইয়েন কোইনে আগে দিপাধেল,

লূকে লেখ্যে গম্ হবর্ 19:29 ပူးပေါင်းရင်းမြစ်များ

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

মথি লেখ্যে গম্ হবর্ 21:17

ইয়েনর্ পরেদি যীশু তারারে ফেলেইনে শঅরর্ বারেদি বৈথনিয়া আদামত্ গেলঅ আর সিধু রেত্‌টো কাদেল।

লূকে লেখ্যে গম্ হবর্ 19:30

“এ শিক্ষ্যে মজিম তুমি মুজুঙেদি আদামানত্ যঅ। সিধু সুমিবার্ অক্তত্ দেগিবা এক্কো গাধা ছঅ বান্ন্যে আঘে। সিবে উগুরে কেঅ কনদিন্অ ন-চড়ে। সিবে খুলিনে ইধু আনঅ।

লূকে লেখ্যে গম্ হবর্ 19:37

এবাবোত্যেগুরি যীশু যিরূশালেম ইধু এইনে যে পধ্‌‌‌‌তান্ জৈতুন মুড়োত্তুন্ লামি যেয়্যে সেই পধ্‌‌‌‌থানত্ এলঅ। যীশু সমারে তার্ বোউত্ শিচ্চ্য এলাক্। সেই শিচ্চ্যগুনে তার্ যে বেক আমক্ কামানি দেক্কোন্ সিয়েনিত্তে খুজীয়্যে রঅ ছাড়িনে গোজেনরে বাঈনী গুরিনে কুয়ো ধুরিলাক্,

লূকে লেখ্যে গম্ হবর্ 21:37

সে সময়োত্ যীশু পত্তি দিন উবোসনা-ঘরত্ শিক্ষ্যে দিদো, মাত্তর্ রেদোত্ বারেদি যেইনে জৈতুন মুড়োবোত্ থেদঅ।

লূকে লেখ্যে গম্ হবর্ 22:39

যীশু সেই জাগায়ান্ ফেলেইনে নিজো সুদোম্ মজিম্ জৈতুন মুড়োবোত্ গেলঅ। তা শিচ্চ্যগুনেয়ো তা পিজে পিজে গেলাক্।

লূকে লেখ্যে গম্ হবর্ 24:50

পরেদি যীশু তা শিচ্চ্যগুনোরে লোইনে বৈথনিয়া সং গেলঅ। সিয়েনত্ তে আঢ্ তুলিনে তারারে বর্ দিলো।

প্রেরিত্‌ 1:12

সেক্কে শিচ্চ্যগুনে জৈতুন মুড়োবোত্তুন্ যিরূশালেমত্ ফিরি এলাক্। যিরূশালেম শঅরত্তুন্ এ মুড়োবো এক কিলোমিটার দূরোত্ এলঅ।