লূকে লেখ্যে গম্ হবর্ 19:26 - Chakma Bible

²⁶ “তে কলঅ, ‘মুই তমারে কঙর্, যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার যিগুন্ আঘন্ সিগুন্‌‌‌‌অ তাত্তুন্ নেযা অবঅ।

লূকে লেখ্যে গম্ হবর্ 19:26 ပူးပေါင်းရင်းမြစ်များ

২ শমূয়েল 7:15

মাত্তর্‌ মঅ কোচ্‌পানাগান মুই কনদিন্‌অ তা উগুরেত্তুন তুলি ন-নেযেম্, যেধোক্ক্যেন গুরি মুই শৌল উগুরেত্তুন তুলি নেযেয়োং আর তঅ পথ্‌তানত্তুন্‌ তারে সোরেই দুয়োং।

গীতসংহিতা 109:8

তারার আয়ুগান কম ওক্; তারার দাঙর্ পোজিশনানি অন্য মানুচ্চুনে নেযাদোক্।

মথি লেখ্যে গম্ হবর্ 13:12

কিয়া যিবের্ আঘে তারে আরঅ দিয়্যে অবঅ, আর সেক্কে তার্ বোউত্ অবাক্। মাত্তর্ যিবের্ নেই তার যিগুন্ আঘন্ সিগুন্অ তাত্তুন্ নেযা অবঅ।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মার্ক 4:25

যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার যিগুন্ আঘন্ সিগুন্অ তাত্তুন্ নেযা অবঅ।”

লূকে লেখ্যে গম্ হবর্ 16:3

সেক্কে সে চাগর্‌বো মনে মনে কলঅ, মুই ইক্কে কি গুরিম্? মঅ গিরোজ্‌সো দঅ মরে চাগরিত্তুন্ ধাবেই দের্। মাদি কাবিবার বল্ মত্তুন্ নেই, আরঅ ভিক্ষ্যে মাগিবার্-অ লাজ্ গরে।

লূকে লেখ্যে গম্ হবর্ 19:25

সেক্কে সেই মানুচ্চুনে রাজারে কলাক্, প্রভু, তার দঅ এক আজার্ দীনার্ আঘে।

লূকে লেখ্যে গম্ হবর্ 8:18

উজিয়ার্ অ, সেনত্তে কিবাবোত্যেগুরি শুন্ন্য সে পৌইদ্যেনে মনযোগ্ দুয়ো, কিয়া যিবের্ আঘে তারে আরঅ দিয়্যে অবঅ, মাত্তর্ যিবের্ নেই তার্ যিগুন্ আঘন্ বিলি তে মনে গরে, সিগুন্অ তাত্তুন্ নেযা অবঅ।”

প্রেরিত্‌ 1:20

যেরেদি পিতরে কলঅ, পবিত্র বোইবোর্ গীতসংহিতা নাঙে বোইবোত্ লেগা আঘে, তা ঘরান্ খালি থোক্; সিয়েনত্ কেঅ বজত্তি ন-গোরোক্। আরঅ লেগা আঘে, তা দাঙর্ পোজিশনান্ অন্যজনে নেযাদোক্।

২ যোহন 1:8

তুমি সজাক্ থাগঅ, যেনে তমার কামর্ ফল ন-আরেইনে তুমি বক্‌শিজোর্ বেক্কান পেই পারঅ।

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।

১ শমূয়েল 15:28

সেক্কে শমূয়েলে তারে কলঅ, “লগেপ্রভু এচ্চ্যে তঅ সিত্তুন্‌ ইস্রায়েলীয়গুনোর রেজ্যগানঅ এবাবোত্যেগুরি কারি নিলো আর তত্তুনো গম্‌ তর্‌ এক্কো দেজর্‌ মান্‌জ্যরে কাম ভারান্ দিলো।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।