লূকে লেখ্যে গম্ হবর্ 19:17 - Chakma Bible

¹⁷ তে তারে কলঅ, দোল্ কাম গোজ্যস্। তুই এক্কো গম্ চাগর্। তুই সামান্য পৌইদ্যেনে বিশ্বেজি ওইয়োচ্ বিলিনে মুই তরে দশ্‌‌‌‌চান শঅরর্ ভার্ দিলুং।

লূকে লেখ্যে গম্ হবর্ 19:17 ပူးပေါင်းရင်းမြစ်များ

পত্থম 39:4

সেক্কে যোষেফে তার গম্‌চোগেদি দেগিলো আর তে তারে তার্‌ নিজো চাগর্‌ ইজেবে নেযেল। তার ঘর-সংসার্ আর বেক্‌ সোম্বোত্তিগানি চেবার্‌ খেমদাগান্‌ তে তা উগুরে দিলো।

গম্ উপদেজ্ 27:18

যে মানুচ্চো ডোমোর গাজরে যত্তন্ গরে তে তার ফলুন্ হেবঅ; যে তা গিরোজ্‌‌সোরে সেবা গরে তে সর্মান পেবঅ।

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

লূকে লেখ্যে গম্ হবর্ 16:10

সামান্য পৌইদ্যেনে যে বিশ্বেজ্ গরে তে দাঙর্ পৌইদ্যেনেয়ো বিশ্বেজ্ গরে। সামান্য পৌইদ্যেনে যিবেরে বিশ্বেজ্ গরা ন-যায় তারে দাঙর্ পৌইদ্যেনেয়ো বিশ্বেজ্ গরা ন-যায়।

লূকে লেখ্যে গম্ হবর্ 19:16

পত্তম্ মানুচ্চো এইনে কলঅ, প্রভু, তঅ টেঙাগুন্দোই মুই দশগুন্ লাভ্ গোজ্যং।

লূকে লেখ্যে গম্ হবর্ 19:18

দ্বি-লম্বর্ চাগর্‌‌‌‌বো এইনে কলঅ, প্রভু, তঅ টেঙাগুন্দোই মুই পাচ্‌‌‌‌গুন লাভ্ গোজ্যং।

লূকে লেখ্যে গম্ হবর্ 22:30

সেক্কে মঅ রেজ্যত্ তুমি মঅ সমারে হানা-দানা গুরিবা আর সিংহাসনত্ বৈইনে ইস্রায়েলর্ বারবো গুট্টির বিচের্ গুরিবা।

রোমীয় 2:29

মাত্তর্ মনেদি যে যিহূদী তেয়ই আজল্ যিহূদী। আজল্ চুনু মাঢাবো চামান কাবানার্ কামান্ মন ভিদিরে অয়। ইয়েন পবিত্র আত্মার্ কাম্, লেক্ক্যে আইন মানিবার্ কাম্ নয়। এ বাবোত্যে মানুচ্‌ মান্‌জ্যর্ বাঈনী ন-পায় ঠিগ্, মাত্তর্ গোজেনত্তুন্ বাঈনী পায়।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।