লূকে লেখ্যে গম্ হবর্ 18:34 - Chakma Bible

³⁴ মাত্তর্ শিচ্চ্যগুনে ইয়েনি পৌইদ্যেনে কিচ্চু ন-বুঝিলাক্‌। সে কধাগানর্ অত্তগান্ তারা ইধু গুমোরত্ রাগা ওইয়্যে বিলি যীশু যে কি কোইয়্যে সিয়েন্ তারা ন-বুঝিলাক্।

লূকে লেখ্যে গম্ হবর্ 18:34 ပူးပေါင်းရင်းမြစ်များ

মার্ক 9:32

মাত্তর্ শিচ্চ্যগুনে যীশু কধাগানর মানেগান্ বুঝি ন-পারিলাক্ আর তারে পুযোর্ গুরিবাত্তেয়ো তারার্ দর্ লাগিলো।

লূকে লেখ্যে গম্ হবর্ 18:33

অমকদ চাবুক্ মারানার্ পরেদি তারা তারে মারে ফেলেবাক্, আর তিন দিনোত্ তে জেঈ উদিবো।”

লূকে লেখ্যে গম্ হবর্ 2:50

যীশু যিয়েনি কলঅ তা মা-বাবে সিয়েনি ন-বুঝিলাক্।

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

লূকে লেখ্যে গম্ হবর্ 24:45

পবিত্র বোইবো বুঝিবাত্যে তে শিচ্চ্যগুনোরে বুদ্ধি খুলি দিলো আর তারারে কলঅ, “লেগা আঘে, মশীহত্তুন্ দুঘ্ পাহ্ পুরিবো আর তিন দিনোর্ দিন্নোত্ মরণত্তুন্ জেদা ওই উদো পুরিবো।

লূকে লেখ্যে গম্ হবর্ 9:45

মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।

যোহন 10:6

সেই ফরীশীগুনোরে শিক্ষ্যে দিবাত্যে যীশু এ কধাগান্ কলঅ মাত্তর্ তে যে কি কোইয়্যে সিয়েন্ তারা ন-বুঝিলাক্।

যোহন 12:16

যীশুর্ শিচ্চ্যগুনে পত্তমে ইয়েনি বুঝি ন-পারিলাক্। যেরেদি যীশুর্ মহিমাগান্ যেক্কে ফগদাং অলঅ সেক্কে তারার্ মনত্ পড়িলো পবিত্র বোইবোর্ সে কধাগান্ যীশু পৌইদ্যেনে লেগা ওইয়্যে। তারার্ আরঅ মনত্ পড়িলো মানুচ্চুনে যীশুত্যে ইয়েনি বেক্কানি গোজ্যন্।