লূকে লেখ্যে গম্ হবর্ 17:6 - Chakma Bible

⁶ প্রভু কলঅ, এক্কো সোজ্য-বিজি ধোক্ক্যেন্অ যুনি তমার্ বিশ্বেজ্ থায় সালে তুমি এই তুত গাচ্চোরে কোই পারিবা, শিঙোর্ সমত্ উদি যেইনে নিজোরে সাগরত্ গারেই থঅ; আর সে গাচ্চো তমা কধা শুনিবো।

লূকে লেখ্যে গম্ হবর্ 17:6 ပူးပေါင်းရင်းမြစ်များ

মথি লেখ্যে গম্ হবর্ 14:29

যীশু কলঅ, “আয়।” সেক্কে পিতরে নৌকত্তুন্ লামিনে পানি উগুরেদি আঢিনে যীশু ইধু যাহ্ ধুরিলো।

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

মথি লেখ্যে গম্ হবর্ 21:21

জোবত্ যীশু তারারে কলঅ, “মুই তমারে ঘেচ্চেকগুরি কঙর্, তুমি সন্দেহ ন গুরিনে যুনি বিশ্বেজ্ গরঅ সালে ডোমোর্ গাজ্‌সো উগুরে মুই যিয়েন্ গোজ্যং তুমিয়ো সিয়েন্ গুরি পারিবা। বানা সিয়েন নয়, মাত্তর্ যুনি এই মুড়োবোরে কঅ, ‘উদিনে সাগরত্ যেইনে পড়্,’ সালে সিয়েন্অ অবঅ।

মার্ক 4:31

সেই রেজ্যগান্ এক্কান সোজ্য-বীজি ধোক্ক্যেন। ভূইয়োত্ ফেলেবার অক্তত্ দেগা যায় যে, সিবে বেক্ বীজিগুনো ভিদিরে বেগত্তুন্ চিগোন্।

মার্ক 9:23

যীশু তারে কলঅ, “ ‘যুনি গুরি পারচ্,’ এ কধাগানর অত্তগান্ কি? যে বিশ্বেজ্ গরে তাত্তেই বেক্কানি সম্ভব।”

লূকে লেখ্যে গম্ হবর্ 13:19

গোজেন রেজ্যগান্ এমন্‌ এক্কো শোজ্য-বিজি ধোক্ক্যেন্ যিবে এক্কো মান্‌জ্যে নেযেইনে তা বাগানত্ লাগেল। যেরেদি চারা বাড়ি উদিনে এক্কো গাজ্ ওই উদিলো। সেক্কে পেগ্‌কুনে এইনে তা ডেলাগুনোত্ ভাহ্ বানিলাক্।”

লূকে লেখ্যে গম্ হবর্ 17:7

মনে গরঅ, তমার্ একজন চাগরে আল্ চুয়োর্ বা ভেড়া চড়ার্। যেক্কে সে চাগর্‌বো মাঢত্তুন্ এবঅ সেক্কে কি তা গিরোজ্‌সো তারে কবঅ, যাদিমাদি যেইনে হেবাত্যে বচ্?

লূকে লেখ্যে গম্ হবর্ 19:4

সেনত্তে তে যীশুরে চেবাত্যে মুজুঙোত্ ধাবা যেইনে এক্কো ডোমোর্ গাজত্ উদিলো, কিয়া যীশু সে পধেদি যার্।

লূকে লেখ্যে গম্ হবর্ 7:13

সেই রানী মিলেবোরে দেগিনে প্রভু চিত্ পুরিনে কলঅ, “আর ন-কানিচ্।”

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।