লূকে লেখ্যে গম্ হবর্ 17:30 - Chakma Bible

³⁰ যেদিন্ন্যে মান্‌জ্যপুয়োবো ফগদাং অবঅ সেদিন্ন্যে এবাবোত্যে অবঅ।

লূকে লেখ্যে গম্ হবর্ 17:30 ပူးပေါင်းရင်းမြစ်များ

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 24:3

যীশু যেক্কেনে জৈতুন মুড়োবোত্ বুয়োই এলঅ সেক্কে শিচ্চ্যগুনে আন্দলে আন্দলে তাইধু এইনে কলাক্, “আমারে কঅ, কক্কে ইয়েনি ঘুদিবো আর কিবাবোত্যে চিহ্নোলোই বুঝো যেবঅ যে ইবেয়ই তর্ এবার্ সময় আর যুগ থুম্ অবার্ অক্ত ওইয়্যে?”

মথি লেখ্যে গম্ হবর্ 24:37

নোহ সময়োত্ যে অবস্থা ওইয়্যে মান্‌জ্য পুয়োবোর্ এবার্ অক্তত্ অ ঠিগ্ সেই অবস্থা অবঅ।

মথি লেখ্যে গম্ হবর্ 24:39

যেদক্ বিলোন্ সং বান পানিগান্ এইনে তারারে বেক্কুনোরে ভাজেই ন-নেযেল সেদক্ বিলোন্ সং তারা কিচ্চু বুঝি ন-পারিলাক্। মান্‌জ্য পুয়োবোর্ এজানাগান ঠিগ্ সেবাবোত্যে অবঅ।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

মার্ক 13:26

সে সময়োত্ মানুচ্চুনে মান্‌‌জ্যপুয়োবোরে দাঙর্ খেমতালোই আর মহিমালোই মেঘ ভিদিরে পিত্‌‌থিমীত্ এবাত্তে দেগিবাক্।

লূকে লেখ্যে গম্ হবর্ 17:24

দেবা ঝিমিলেলে যেবাবোত্যেগুরি আগাজর্ এক কিত্তেত্তুন্ ধুরি অন্য কিত্তেদি সং পহ্‌র ওই যায়, মান্‌জ্যপুয়োবোর্ এজানায়ো সেবাবোত্যে অবঅ।

লূকে লেখ্যে গম্ হবর্ 17:29

মাত্তর্ যেদিন্ন্যে লোটে সদোম ছাড়িনে এলঅ সেদিন্ন্যে স্বর্গত্তুন্ আগুন আর গন্ধকর্ ঝড়্ পুরিনে বেক্‌ মানুচ্চুনোরে ভস্ত গুরিলো।

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

১ করিন্হীয় 1:7

সেনত্তে যেক্কে তুমি আমা প্রভু যীশু খ্রীষ্ট ফগদাং অবাত্তে আওজ্ গুরিনে বাজ্জেই আঘঅ সেক্কে গোজেনর্ দিয়্যে কনঅ দানর্ অভাব তমার্ ন-অর্।

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

কলসীয় 3:4

যিবে তমার্ জিংকানি সেই খ্রীষ্ট যেক্কে ফগদাং অবঅ সেক্কে তুমিয়ো তা সমারে তার্ মহিমার ভাগী ওইনে ফগদাং পেবা।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

১ যোহন 2:28

পুয়োলগ্, সেনত্যে কঙর্, তুমি খ্রীষ্ট সমারে থাগঅ যেনে তে যেক্কে ফগদাং অবঅ সেক্কে আমার সাহচ্‌ থায় আর তে যেক্কে এবঅ সেক্কে তা মুজুঙোত্ আমার্ লাজে মুয়োনি লুগো ন-পরে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।