লূকে লেখ্যে গম্ হবর্ 17:24 - Chakma Bible

²⁴ দেবা ঝিমিলেলে যেবাবোত্যেগুরি আগাজর্ এক কিত্তেত্তুন্ ধুরি অন্য কিত্তেদি সং পহ্‌র ওই যায়, মান্‌জ্যপুয়োবোর্ এজানায়ো সেবাবোত্যে অবঅ।

লূকে লেখ্যে গম্ হবর্ 17:24 ပူးပေါင်းရင်းမြစ်များ

যিহিষ্কেল 1:14

প্রাণীগুন ঝিমিলেনি ধোক্ক্যেনগুরি এজানা-যানা গরদন্।

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;

মথি লেখ্যে গম্ হবর্ 24:27

দেবা ঝিমিলেনি যেবাবোত্যেগুরি পূগেদি দেগা দিইনে পোজিমেদি সং ঝিমিলায় মান্‌জ্য পুয়োবোর্ এজানায়ো সেবাবোত্যে অবঅ।

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

মথি লেখ্যে গম্ হবর্ 5:15

কনজনে চেরাগ জ্বালেইনে কাল্লোং তলে ন-থন্ মাত্তর্ চেরাগ টগ উগুরে থন্। সেক্কে ঘরর্ বেক্ মানুচ্চুনে পহ্‌‌রান্ পান্।

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

২ থিষলনীকীয় 2:2

“প্রভুর দিন্নো লুম্মেগি,” ইয়েনর্ মানে ভাববাদী ইজেবে কোইয়্যে কারঅ কধা বা অন্য কারঅ কধা বা আমার লেগা মনে গুরিনে কনঅ চিধির্ কারনে তুমি সহজে চুলুবুলু ন-ওইয়ো বা ন-দোরেইয়ো।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

যাকোব 5:8

তুমিয়ো সেধোক্ক্যেন গুরিনে ধৈয্য ধরঅ আর মনানি থির্ রাগঅ, কিয়া প্রভু যাদিমাদি এজের্।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।