লূকে লেখ্যে গম্ হবর্ 17:14 - Chakma Bible

¹⁴ সেই পীড়েল্যেগুনোরে দেগিনে যীশু কলঅ, “ধর্মগুরুগুনো ইধু যেইনে নিজোরে দেগা।” তারা পধেদি যাদে যাদে গম্ ওই গেলাক্।

লূকে লেখ্যে গম্ হবর্ 17:14 ပူးပေါင်းရင်းမြစ်များ

২ রাজাবলী 5:14

সেক্কে নামানে গোজেন মানুচ্চোর্‌ কধামজিম্‌ যেইনে যর্দনত্‌ সাতপল্লা বুর্‌ দিলো। সেক্কে তা কিয়্যেগান গম্‌ অলঅ আর চিগোন্‌ গুরো কিয়্যের্‌ চামঅ ধোক্ক্যেন তা চামান্‌ দোল্‌ অলঅ।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

লূকে লেখ্যে গম্ হবর্ 5:14

যীশু তারে এ উগুমান্ দিলো, “এ কধাগান্ কাররে ন-কোচ্ বরং ধর্মগুরুগুনো ইদু যেইনে নিজোরে দেগা। সে পরেদি সিজি অনা পৌইদ্যেনে মোশি যিয়েনি উৎসর্ব গুরিবার্ উগুম্ দিয়্যে সিয়েনি উগুম্ গর্। সেক্কে মানুচ্চুনো ইদু প্রমাণ অবদে তুই গম্ ওই যেইয়োচ্।”

যোহন 11:10

মাত্তর্ যুনি কেঅ রেদোত্ ঘুরোঘুরি গরন্ তে উজোত্ খায়, কিয়া সেক্কেনে পহ্‌র নেই।”

যোহন 2:5

তা মা সেক্কে চাগরুনোরে কলঅ, “তে তমারে যিয়েনি গুরিবাত্তে কয় সিয়েনি গরঅ।”

যোহন 9:7

“যাহ্, শীলোহ পোর্‌বোত্ যেইনে ধোই ফেলা।” শীলোহ মানে দিপাধা অলঅ। মানুচ্চো যেইনে চোগ্ ধোই ফেলেল আর চোগেদি দেগিনে ফিরি এলঅ। ইয়েন্ দেগিনে তা পাড়াল্ল্যেগুনে আর যিগুনে তারে আগে ভিক্ষ্যে মাগদে দেক্ক্যন্ সিগুনে বেক্কুনে কুয়ো ধুরিলাক্,