লূকে লেখ্যে গম্ হবর্ 16:26 - Chakma Bible

²⁶ ইয়েন বাদেয়ো তমার্ আর আমা ভিদিরে এমন্‌ এক্কান দাঙর্ ফারগ্ আঘে যেনে আওজ্ গুরিলেয়ো কেঅ ইয়োত্তুন পার্ ওইনে তমা সিধু যেই ন-পারে আর সিয়োত্তুন পার্ ওইনে আমা ইধু এই ন-পারে।

লূকে লেখ্যে গম্ হবর্ 16:26 ပူးပေါင်းရင်းမြစ်များ

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

যিহিষ্কেল 28:24

প্রভু লগেপ্রভু আরঅ কোইয়্যেদে, ইস্রায়েল জাদত্তে ব্যথা দিয়্যে কনঅ কাদাগাজ্ বা সূচো কাদা ধোক্ক্যেন ঠাট্টা-মশ্‌‌‌‌‌‌‌‌‌‌‌কারী গুরিয়্যে পাড়াল্যে জাদ্ আর ন-থেবাক্। সেক্কে তারা হবর্ পেবাক্, মুয়ই প্রভু লগেপ্রভু।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

লূকে লেখ্যে গম্ হবর্ 12:59

মুই তরে ঘেচ্চেকগুরি কঙর্, শেজ্ পৌইজেবো ন-দেনা সং তুই কনঅ বাবদে জেলোত্তুন্ ছড়ান্ ন-পেবে।”

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

লূকে লেখ্যে গম্ হবর্ 16:27

সেক্কে সেই থাগোইয়্যে মানুচ্চো কলঅ, সালে বাবা, দোয়্যে গুরিনে লাসাররে মঅ বাব ঘরত্ পাধেই দে,

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।