লূকে লেখ্যে গম্ হবর্ 16:22 - Chakma Bible

²² “একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।

লূকে লেখ্যে গম্ হবর্ 16:22 ပူးပေါင်းရင်းမြစ်များ

ইয়োব 21:13

তারা গমেডালে তারার্‌ দিনুন্‌ কাদান্‌ আর সুগে-শান্দিয়্যে গোরত্‌ লামি যান।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

উপদেশক 8:10

সে পরেদি মুই ইয়েন দেগিলুং, পাজি মানুচ্চুনোরে গোর্ দিয়্যে অর্। ইগুনে উবোসনা-ঘরত্ যানা-এযানা গুরিদাক্; যেরেদি তারার্ শঅর মানুচ্চুনে তারার্ পাজিগানির্ কধা ভুলি গেলাক্। ইয়েন বাহ্‌জে।

যিশাইয় 14:18

“জাদ্‌তুনোর বেক্ রাজাগুনে সর্মান সমারে যার্ যার্ গোরত্ পু‌‌‌ড়ি আগন্।

যিশাইয় 22:16

তুই ইদু কি গরর্? আর ইদু নিজোর গোরান্ কুড়িবাত্তে, অজল্ জাগাত তঅ গোরান্ ঠিগ্ গুরিবাত্তে, মুড়ো কাবিনে জিরেবার-জাগায়ান্ বানেবাত্তে কন্না তরে অধিকার দিয়্যে?

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

মার্ক 8:36

তুই যুনি পুরো পিত্‌থিমীগান লাভ গুরিনেয়ো সিয়েনর বদলে তর্ জিংকানিগান্ আরাস্ সালে সিয়েনর কনঅ লাভ অলঅ? নিশ্চয় নয়!

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

লূকে লেখ্যে গম্ হবর্ 16:21

সেই থাগোইয়্যে মানুচ্চোর টেবিলোত্তুন্ যে হানাগানি পত্ত সিয়েনি হেইনে তে পেট্ ভরেবার্ চেদঅ, আর কুগুরুনে তার ঘা গানি লিয়্যেই দিদাক্।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 13:23

তারাত্তুন্ যীশু যিবেরে কোচ্‌পেদ তে যীশুর কায়কুরে এলঅ।

যোহন 21:20

পিতরে পিজেদি ফিরিনে রিনি চেলঅ, যীশু যিবেরে কোচ্‌পেদ সেই শিচ্চ্যবো পিজে পিজে এজের্। ইবে সেই শিচ্চ্য, যিবে হেবার্ অক্তত্ যীশু ইন্দি এলান্ দিইনে কোইয়্যে, “প্রভু, তরে যে শত্রুগুনো আঢত্ ধুরি দিবো, তে কন্না?”

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

যাকোব 1:11

বেলানে যেক্কে জ্বোল্‌‌জোল্ল্যে গরমে উদে সেক্কে সেই ঘাস্‌‌চানি শুগেই যায়, ফুলুন্ ঝুরি যান্ আর সিগুনোর্ দোলান্ বর্‌‌বাদ্ ওই যায়। তাগোয়্যে মানুচ্চোয়ো ঠিগ্ সেবাবোত্যে গুরি তা জিংকানিগান কাম্ গত্তে গত্তে থুম্ ওই যেবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”