লূকে লেখ্যে গম্ হবর্ 16:20 - Chakma Bible

²⁰ সেই থাগোইয়্যে মানুচ্চোর্ দুয়োর ইধু লাসার নাঙে এক্কো ভিখারীরে প্রায় আনিনে থুয়ো অদঅ। লাসারর্ গোদা কিয়্যেনত্ ঘা এলঅ।

লূকে লেখ্যে গম্ হবর্ 16:20 ပူးပေါင်းရင်းမြစ်များ

ইয়োব 2:7

ইয়েন পরেদি শদান্‌নো লগেপ্রভুর মুজুঙোত্তুন্‌ নিগিলি গেলঅ‌ আর ইয়োবর মাধাবো তাল্লোত্তুন্‌ ধুরিনে টেঙঅ‌ পাদা সং চুলোনি-পড়ানি ঘালোই তারে দুঘ্‌ দিয়্যে ধুরিলো।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 73:14

পুরো দিন্নো মুই দুঘ্ পাঙর্; পত্তিদিন বেন্যেমাদান্ সাজা পেয়োং।

যিশাইয় 1:6

টেঙ তলাত্তুন্ ধুরি মাঢাবো তাল্লোগান সং কনজাগাত্ গম্ অবস্থা নেই, আগেদে বানা আঘাত, মার্ হেইয়্যে দাগ্ আর লগেলগ্ ঘা। সিয়েনি সাব্ গরানা বা বানি দিয়্যে ন-অয়, তেল্লোই পিড়ে কমায়ো ন-অয়।

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

মথি লেখ্যে গম্ হবর্ 26:71

ইয়েনর্ পরেদি পিতরে বারেদি গেদো কুরে গেলঅ। তারে দেগিনে আর এক্কো চাগরানীয়ে সিদুগোর্ মানুচ্চুনোরে কলঅ, “এ মানুচ্চো নাসরদত্ যীশু সমারে এলঅ।”

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

লূকে লেখ্যে গম্ হবর্ 16:21

সেই থাগোইয়্যে মানুচ্চোর টেবিলোত্তুন্ যে হানাগানি পত্ত সিয়েনি হেইনে তে পেট্ ভরেবার্ চেদঅ, আর কুগুরুনে তার ঘা গানি লিয়্যেই দিদাক্।

যোহন 11:1

লাসার নাঙে বৈথনিয়া আদামর্ এক্কো মান্‌জ্যর্ অসুগ্ ওইয়্যে। মরিয়ম আর তার্ বোন মার্থা সেই আদামত্ থেদাক্।

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

যাকোব 1:9

যে বিশ্বেজি ভেইবো নাঢা মানুচ্, গোজেনে তারে উগুরে তুল্ল্যে বিলিনে তে নিজোরে ভাগ্যত্যে মনে গোরোক্।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।