লূকে লেখ্যে গম্ হবর্ 16:19 - Chakma Bible

¹⁹ এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

লূকে লেখ্যে গম্ হবর্ 16:19 ပူးပေါင်းရင်းမြစ်များ

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

গম্ উপদেজ্ 14:24

জ্ঞানীগুনোর্ বক্‌শিজ্ অলঅ তারার ধন, মাত্তর্ জ্ঞাননেইয়্যেগুনোর ভুলানি আরঅ ভুলোর জর্ম দে।

গম্ উপদেজ্ 31:22

বিচ্চোনত্তে তে চাদর্ বানায়; তে নিজেয়ো মসীনার কাবড় আর মংগা বিগুনো রঙর্ কাবড় উরে।

যিশাইয় 3:23

আনা, মসীনা ভিদিরে কাবড়ান্, পাগড়ি আর ওড়নাগানি কাড়ি নিবো।

যিহিষ্কেল 16:13

এবাবোত্যেগুরি সোনা আর রূবোলোই তরে সাজা অলঅ; তঅ কাবড়-চুগোরানি এলদে পাদল্ মসীনার, রেশমর আর নক্‌শা গোজ্যে কাবড়র্। তঅ হানাগানি এলদে নিগুজ্ মোইদ্যে, মধু আর জলপাইয়র তেল। তুই জদবদে দোল্ ওইনে রাণী ধোক্ক্যেন্ অলে।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 27:7

মিসরর্ দোল্ নক্‌‌‌‌‌‌‌‌সা মসীনা কাবড়্‌লোই তর্ পালান্ বানা ওইয়্যে আর সিয়েন্দোই মান্‌‌‌‌‌‌জ্যে তরে চিনিদাক্। ইলীশাত্তুন্ আন্যে য়েল্ আর বিগুনি কাবড়ানি এলঅ তাম্বুল্।

মার্ক 15:17

তারা যীশুরে বেগুনো রঙর্ কাবড় উরেই দিলাক্, আর কাদা-লুদিলোই এক্কো মুকুট্ বানেইনে তা মাঢাবোত্ পিনেই দিলাক্।

মার্ক 15:20

যেক্কেনে তারা যীশুরে তাট্টা তামাজা গরানা শেজ্ গুরিলাক্ সে পরেদি তারা তা বিগুনী রঙর্ ঢিলেঢালা পোজাক্কান্ খুলি নেযেলাক্ আর তারার্ নিজো পোজাক্কানি উরে দিইনে তারে ক্রুশোত্ দিবাত্তে নেযা ধুরিলাক্।

লূকে লেখ্যে গম্ হবর্ 15:13

কিজু দিন পরেদি চিগোন্ পুয়োবো তা সম্বোত্তিগান্ বেজিনে টেঙা-পৌইজ্যে লোইনে দূর্ দেজত্ গেলঅ। সিধু তে ভান্ন্যেই গুরি জিংকানি কাদেইনে তার্ বেক্‌ টেঙা-পোইজ্যেগুন্ উড়েই দিলো।

লূকে লেখ্যে গম্ হবর্ 16:1

যীশু তা শিচ্চ্যগুনোরে কলঅ, কনঅ এক্কো থাগোইয়্যে মান্‌জ্যর আজল্ চাগর্‌বোরে ইয়েন কোইনে দুচ্‌ দিয়্যে অলঅ যে, তে তার গিরোজর্ ধন-সোম্বোত্তিগানি বর্‌বাদ্ গরের্।

লূকে লেখ্যে গম্ হবর্ 16:18

যে কনজনে নিজো মোক্কোরে ছাড়ি দিইনে আর অন্য মিলেরে লয় তে বেভিচের্ গরে। নেগে যিবেরে ছাড়ি দিয়্যে সেবাবোত্যে মিলেরে যে লয় তেয়ো বেভিচের্ গরে।

লূকে লেখ্যে গম্ হবর্ 16:20

সেই থাগোইয়্যে মানুচ্চোর্ দুয়োর ইধু লাসার নাঙে এক্কো ভিখারীরে প্রায় আনিনে থুয়ো অদঅ। লাসারর্ গোদা কিয়্যেনত্ ঘা এলঅ।

ফগদাং পেইয়্যে 17:4

সেই মিলেবো বিগুনি আর রাঙা রংয়র্ পোজাক্ এলঅ আর তা কিয়্যেত্ সনা, মংগা মংগা পাত্তর্ আর মুক্তোর গয়না এলঅ। জঘণ্য জিনিচ্‌ আর তার্ বেভিচারর্ কজরালোই ভরা এক্কো সনার কদরা তা আঢত্ এলঅ।

ফগদাং পেইয়্যে 18:16

তারা কানি কানি দুঘ্ পেইনে কবাক্, “হায়, হায়! নিগুজ্ মসীনা কাবড় আর বিগুনী আর রাঙা কাবড় পিন্ন্যে আর সনা, মংগা পাথর আর মুক্তোলোই সাজেইয়্যে সেই নাঙ-গোজ্জ্যে শঅরান্!

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’

বিচের গুরিয়্যেগুন 8:26

সেক্কে যেত্তমান্‌ সোনা তে পেলঅ সিয়েনি মাবিনে অলঅ প্রায় কুড়ি কেজি পাঁচশত্‌ গ্রাম। ইয়েনিবাদে তার পেইয়্যে চান ধোক্কেন্‌ নেগেলেচ্‌, ঝুঙো, মিদিয়নীয় রাজাগুনোর উরোন্দে বিগুনো রঙর্‌ পোজাক্ আর উদোর্‌ গত্তনার নেগেলেচ্‌ছো ইয়েনি ভিদিরে ধরা ন-অয়।