লূকে লেখ্যে গম্ হবর্ 16:17 - Chakma Bible

¹⁷ মাত্তর্ রীদি-সুদোমর্ এক ফুদো বাদ্ পড়ানাত্তুন্ বরং আগাজ্ আর পিত্‌থিমীগান্ শেজ্ অনা সহজ।

লূকে লেখ্যে গম্ হবর্ 16:17 ပူးပေါင်းရင်းမြစ်များ

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

১ পিতর 1:25

মাত্তর্ প্রভুর কধানি উমরত্যে থায়। আর এই কধানি সেই গম হবর্, যিয়েনি তমা ইধু ফগদাং গরা ওইয়্যে।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”