লূকে লেখ্যে গম্ হবর্ 16:11 - Chakma Bible

¹¹ এ জগদর্ ধন-সোম্বোত্তি পৌইদ্যেনে যুনি তমারে বিশ্বেজ্ গরা ন-যায় সালে কন্না তমারে বিশ্বেজ্ গুরিনে আজল্ ধন্ দিবো?

লূকে লেখ্যে গম্ হবর্ 16:11 ပူးပေါင်းရင်းမြစ်များ

মথি লেখ্যে গম্ হবর্ 6:24

কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 16:12

অন্য মান্‌জ্যর অধিকার যিয়েন আঘে সিয়েন বেবহার গরানা পৌইদ্যেনে যুনি তমারে বিশ্বেজ্ গরা ন-যায়, সালে তমার্ নিজো অধিকারত্যে কেঅ কি তমারে কিজু দিবো?

লূকে লেখ্যে গম্ হবর্ 16:9

মুই তমারে কঙর্, এ ভান্ন্যেই জগদর্ ধন্‌দোই মানুচ্চুনো সমারে দাংগুত্ব গরঅ, যেন সেই ধনানি ফুরেই যানার্ পরেদি চিরকালত্যে থেবার্ জাগাত্ তমারে গুজি লুয়ো অয়।

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।