লূকে লেখ্যে গম্ হবর্ 15:32 - Chakma Bible

³² হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

লূকে লেখ্যে গম্ হবর্ 15:32 ပူးပေါင်းရင်းမြစ်များ

গীতসংহিতা 51:8

মরে হুজির্ রঅ আর রঙ্গ-ফুত্তির রঅ শুনিবাত্তে দে; তর্ গুড়ি গোজ্যে মর্ এই আড়ুনে ফুত্তি গোরোদোক্।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

মথি লেখ্যে গম্ হবর্ 18:11

যিয়েনি আযি যেইয়্যে সিয়েনি উদ্ধোর্ গুরিবাত্তে মান্‌জ্য পুয়োবো এচ্চ্যে। তুমি কি মনে গরঅ?

লূকে লেখ্যে গম্ হবর্ 15:24

কিয়া মর্ এ পুয়োবো মুরি যেয়্যে মাত্তর্ আরঅ জেদা ওইয়্যে; আঝি যেইনে পাহ্ যেইয়্যে। সে পরেদি তারা ফুত্তি গরা ধল্ল্যাক্।

লূকে লেখ্যে গম্ হবর্ 15:31

“তা বাবে তারে কলঅ, ‘পুত্, তুই দঅ আমিঝে মঅ সমারে সমারে আঘচ্। মর্ যিয়েনি আঘে বেক্কানি দঅ তর্।

লূকে লেখ্যে গম্ হবর্ 7:34

আর মান্‌জ্যপুয়োবো এইনে হানা-দানা গোজ্যে বিলি তুমি কত্তে, চঅ, এ মানুচ্চো পেদুক্ আর মদখুর্, খাজানা তুলিয়্যে আর বজং মানুচ্চুনোর্ সমাজ্যে।

রোমীয় 11:15

গোজেনে যিহূদীগুনোরে এলাফেলা গোজ্জ্যে বিলি যুনি গোজেন সমারে জগদর্ অন্য মানুচ্চুনোর্ মিলেমিলি অলঅ মাত্তর্ তে যেক্কে যিহূদীগুনোরে মানি লবঅ সেক্কে অবস্থাগান্ কি অবঅ? সিয়েন কি মরা মান্‌জ্যর্ জিংকানি পাইদ্যে ধোক্ক্যেন্ অবস্থা ন-অবঅ?

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 3:4

খামাক্কায় নয়। বেক্‌ মানুচ্চুন মিজে মাদিলেয়ো গোজেনে নিত্য সত্যবাদী। পবিত্র বোইবোত্ লেগা আঘে, “সেনত্তে তর্ রাইয়ান্ ঠিগ্, তঅ বিচেরান্ দোল্।”