লূকে লেখ্যে গম্ হবর্ 15:31 - Chakma Bible

³¹ “তা বাবে তারে কলঅ, ‘পুত্, তুই দঅ আমিঝে মঅ সমারে সমারে আঘচ্। মর্ যিয়েনি আঘে বেক্কানি দঅ তর্।

লূকে লেখ্যে গম্ হবর্ 15:31 ပူးပေါင်းရင်းမြစ်များ

লূকে লেখ্যে গম্ হবর্ 15:30

মাত্তর্ তর্ এ পুয়োবো, যে বেশ্যে মিলেগুনো পিজেদি তর্ টেঙা-পোইজ্যেগুন্ উড়েই দিয়্যে, তে যেক্কে এলঅ তুই তাত্যে পক্তা-মক্তা গোরুছবো কাবিলে।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

যোহন 8:35

চাগরে জনমভরা ঘরত্ ন-থায় মাত্তর্ পুয়োবো জনমান থায়।

রোমীয় 11:1

মুই সালে পুযোর্ গরং, গোজেনে কি তা মানুচ্চুনোরে এলাফেলা গোজ্জ্যে? কনদিন্অ নয়। মুই নিজেই এক্কো ইস্রায়েলীয়, অব্রাহাম গুট্টির্ আর বিন্যামীন-গুট্টির্ মানুচ্‌।

রোমীয় 11:35

গোজেন বিরুদ্ধে কার্ দাবি আঘে যে, তা দাবিগান্ তাত্তুন্ মানা পুরিবো?

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।