লূকে লেখ্যে গম্ হবর্ 15:29 - Chakma Bible

²⁹ তে তা বাবরে কলঅ, চাহ্, এদক্ বজর্ ধুরিনে মুই তরে সেবা-যত্তন্ গুরি এজঙর্; একবার্-অ মুই তর্ অবাধ্য ন-অং। তো মঅ সমাজ্যেগুনো সমারে ফুত্তি গুরিবাত্যে তুই কনদিন্অ মরে ছাগলর্ এক্কো ছয়ো ন-দুয়োচ্।

লূকে লেখ্যে গম্ হবর্ 15:29 ပူးပေါင်းရင်းမြစ်များ

যিশাইয় 65:5

তারা কন্, দূরোত্ থাগ; মইদু ন-এইচ্, কিত্তে মুই তত্তুন্ বেশ্ সুদ্ধো-সাংগ। সেই মানুচ্চুনে মঅ নাক্কোর্ ধূমো আর সারা দিন জুলি থেইয়্যে আগুন।

সখরিয় 7:3

তারা বেগত্তুন্ খেমতাবলা লগেপ্রভু ঘরর্ ধর্মগুরুগুনোরে আর ভাববাদীগুনোরে এ কধাগান পুযোর্ গুরিবাত্তে পাদেল, “আমি এদক্ বজর্ যেবাবোত্যেগুরি এচ্চ্যেই সেবাবোত্যে কি পাচ্ মাসত্ আবিলেচ্ গুরিবোং বা উবোস্ থেবং?”

মালাখি 3:14

তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

মথি লেখ্যে গম্ হবর্ 20:12

আমি গোদা দিন্নো রোদোত্ পুড়িনে কাম্ গোজ্যেই। মাত্তর্ যিগুনোরে যেরেদি কামত্ লাগা ওইয়্যে তারা বানা এক ঘন্টা কাম্ গোজ্যন্, অদচ তারারে তুই আমা সং সং বেতন দিলে।

লূকে লেখ্যে গম্ হবর্ 15:28

সেক্কে দাঙর্ পুয়োবো রাগ্ গুরিনে ভিদিরে যেবাত্তে ন-চেলঅ। সেক্কে তা বাবে নিগিলি এইনে তারে ভিদিরে যেবাত্যে কোজোলি গরা ধুরিলো ।

লূকে লেখ্যে গম্ হবর্ 15:30

মাত্তর্ তর্ এ পুয়োবো, যে বেশ্যে মিলেগুনো পিজেদি তর্ টেঙা-পোইজ্যেগুন্ উড়েই দিয়্যে, তে যেক্কে এলঅ তুই তাত্যে পক্তা-মক্তা গোরুছবো কাবিলে।

লূকে লেখ্যে গম্ হবর্ 15:7

একই সময়োত্, মুই তরে কঙর্, ঠিগ্ সেবাবোত্যেগুরি যিগুনে পাপত্তুন্ মনানি ফিরেবার্ দরকার্ মনে ন-গরন্ সেবাবোত্যেগুরি নিরেনব্বইজন ধার্মিক্ মান্‌জ্যত্তুন্ বরং এক্কো পাপী পাপত্তুন্ মনান্ ফিরেলে স্বর্গত্ আরঅ বেশ্ হুজি অয়।

লূকে লেখ্যে গম্ হবর্ 17:10

“সেবাবোত্যেগুরি গোজেন উগুম্ মজিম্ বেক্‌ কামানি গরানার্ পরেদি তুমি কঅ, ‘আমি অপদাত্ত চাগর্; যিয়েন্ গরানা উচিত আমি বানা সিয়েনই গোজ্যেই।’ ”

লূকে লেখ্যে গম্ হবর্ 18:9

যিগুনে নিজোরে ধার্মিক মনে গুরিনে অন্যগুনোরে ঈচ্ গুরিদাক্ তারারে শিক্ষ্যে দিবাত্যে যীশু এ কধাগান্ কলঅ:

লূকে লেখ্যে গম্ হবর্ 19:21

মুই তরে দোরেয়োং, কিয়া তুই অমকদ আঘাত্যে মানুচ্; তুই যিয়েনি ন-থুবোস্ সিয়েনি লোই থাচ্ আর যিয়েনি ন-লাগাচ্ সিয়েনি কাবচ্।

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 3:20

রীদি-সুদোম পালন গুরিলে যে গোজেনে মান্‌জ্যরে নিদ্দুজি বিলিনে মানি লবঅ সিয়েন নয়, মাত্তর্ রীদি-সুদোমর্ মাধ্যমে মানুচ্‌ নিজো পাপ পৌইদ্যেনে চেতনা পায়।

রোমীয় 3:27

ইয়েনর্ পরেদি মান্‌জ্যর দেমাগ্ গুরিবার আর কি আঘে? কিচ্চু নেই। মাত্তর্ কিত্ত্যে নেই? মান্‌জ্যে রীদি-সুদোম পালন গরন্ বিলিনে কি তার্ দেমাগ্ গুরিবার কিচ্চু নেই? সিয়েন নয়। আজল্ কধাগান অলঅ, বিশ্বেজ্ ভিদিরে দেমাগর্ জাগা নেই,

রোমীয় 7:9

মঅ জিংকানিত্ রীতি-সুদোম এবার্ আগেদি মুই বাঁজি এলুং, মাত্তর্ সেই উগুমান্ এজানার্ সমারে সমারে পাপ্ জিনিস্‌চান্অ জেই উদিলো,

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 3:17

তুই কত্তে, মুই থাগোইয়্যে; মুই দাঙর্ মানুচ্‌ ওইয়োং, সেনত্যে মর্ কনঅ কিজুর্ অভাব নেই। ভারী গম, মাত্তর্ তুই দঅ হবর্ ন-পাজ্, তুই দুখ্যে, দোয়্যের্ মানুচ্, নাঢা, কানা আর লাংদা।