লূকে লেখ্যে গম্ হবর্ 15:28 - Chakma Bible

²⁸ সেক্কে দাঙর্ পুয়োবো রাগ্ গুরিনে ভিদিরে যেবাত্তে ন-চেলঅ। সেক্কে তা বাবে নিগিলি এইনে তারে ভিদিরে যেবাত্যে কোজোলি গরা ধুরিলো ।

লূকে লেখ্যে গম্ হবর্ 15:28 ပူးပေါင်းရင်းမြစ်များ

যিশাইয় 65:5

তারা কন্, দূরোত্ থাগ; মইদু ন-এইচ্, কিত্তে মুই তত্তুন্ বেশ্ সুদ্ধো-সাংগ। সেই মানুচ্চুনে মঅ নাক্কোর্ ধূমো আর সারা দিন জুলি থেইয়্যে আগুন।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

যিরমিয় 35:16

রেখবর পুয়ো যিহোনাদবর বংশধরুনে তারার পুরোণি মানুচ্চুনোর দিয়্যে উগুমানি পালেই এত্তন, মাত্তর্ তুমি মঅ কধালোই বাধ্য ন-অ।

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

মথি লেখ্যে গম্ হবর্ 20:11

সেক্কে তারা সে গিরোজ্‌সো বিরুদ্ধে মনত্ দুঘে কুয়ো ধুরিলাক্,

মার্ক 1:40

পরেদি এক্কো ফারাঙীবলা পিড়েল্ল্যে যীশু ইধু এইনে তা মুজুঙোত্ আঢু পাদিনে কলঅ, “তুই আয়োচ্ গুরিলে মরে গম্ গুরি পারচ্।”

লূকে লেখ্যে গম্ হবর্ 13:34

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাধা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছঅগুনোরে তা ডুয়োনিলোই এগত্তর্ গরে ঠিগ্ সেবাবোত্যেগুরি মুই কয়বার্ তঅ মানুচ্চুনোরে মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 15:2

ইয়েন্দোই ফরীশীগুনে আর ধর্ম মাষ্টরুনে ইয়েন কোইনে তোইচ্চ্যে পেইনে কুয়ো ধুরিলাক্, “এ মানুচ্চো বজং মানুচ্চুনো সমারে মিজেই আর হানা-দানা গরে।”

লূকে লেখ্যে গম্ হবর্ 15:27

চাগর্‌বো তারে জোব্ দিলো, তঅ ভেইবো এইচ্চ্যে। তঅ বাবে তারে গমেডালে ফিরি পেয়্যে বিলি পক্তা-মক্তা গোরুছবো কাপ্প্যে।

লূকে লেখ্যে গম্ হবর্ 15:29

তে তা বাবরে কলঅ, চাহ্, এদক্ বজর্ ধুরিনে মুই তরে সেবা-যত্তন্ গুরি এজঙর্; একবার্-অ মুই তর্ অবাধ্য ন-অং। তো মঅ সমাজ্যেগুনো সমারে ফুত্তি গুরিবাত্যে তুই কনদিন্অ মরে ছাগলর্ এক্কো ছয়ো ন-দুয়োচ্।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

লূকে লেখ্যে গম্ হবর্ 5:30

সেক্কে ফরীশীগুনে আর তারা দলর্ ধর্ম-মাষ্টরুনে বিরক্ত ওইনে যীশু শিচ্চ্যগুনোরে কলাক্, “তুমি খাজানা তুলিয়্যে আর ভান্ন্যেই মানুচ্চুনো সমারে হানা-দানা গরঅ কিত্তে?”

লূকে লেখ্যে গম্ হবর্ 7:39

যে ফরীশীবো যীশুরে বাত্ত্যেয়্যে তে ইয়েন্ দেগিনে মনে মনে কুয়ো ধুরিলো, “যুনি এ মানুচ্চো ভাববাদী অদঅ সালে হবর্ পেদঅ, কন্না আর কি বাবোত্যে মিলে তা টেঙানি ধরের্; মিলেবো দঅ বজং।”

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 14:19

পরেদি আন্তিয়খিয়া আর ইকনিয়ত্তুন্ কয়েক্কো যিহূদী এইনে পৌল আর বার্ণবা বিরুদ্ধে মানুচ্চুনোরে ভেজেই দিলাক্। সেক্কে মানুচ্চুনে পৌলরে পাত্তর্ মারিলাক্ আর তে মুরি যেইয়্যে মনে গুরিনে শঅরর্ বারেদি তারে টানি নেযেলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

রোমীয় 10:19

মুই আরঅ কং, ইস্রায়েলীয়গুনে কি সেই কধানি ন-বুঝোন্? পত্তমে মোশির্ মাধ্যমে গোজেনে কোইয়্যেদে, “যে জাদ্‌‌তো কনঅ জাদ্ নয়, সেই জাদ্‌‌তোরে দিইনে মুই তঅ আওজ্‌‌চান জাগেই তুলিম; এক্কো অবুঝ জাদরে দিইনে তরে রাগ্ তুলি দিম্।”

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

১ শমূয়েল 17:28

দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”

১ শমূয়েল 18:8

এই গান্‌‌নো শুনিনে শৌলর অমকদ রাগ অলঅ। তে বেজার্‌ ওইনে কলদে, “তারা দায়ূদো পৌইদ্যেনে অযুত অযুতোর কধা কলাক্‌ অদচ আমা পৌইদ্যেনে কলাক্‌ আজার আজার। ইয়েনর পরেন্দি রেজ্যগান বাদে দায়ূদোর আর কি পেবার্‌ বাগী রলঅ?”