লূকে লেখ্যে গম্ হবর্ 15:22 - Chakma Bible

²² মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

লূকে লেখ্যে গম্ হবর্ 15:22 ပူးပေါင်းရင်းမြစ်များ

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

ইষ্টের 3:10

রাজা সেক্কেনে নিজো আঙুলোত্তুন্‌ দস্তক্‌ দিবার্‌ আংটিবো খুলিনে যিহূদীগুনোর শত্রু অগাগীয় হম্মদাতার পূঅ হামনরে দিলো।

ইষ্টের 8:2

রাজা তার্‌ সই দিবার যে আন্দিক্কো হামনর ইত্তুন্‌ নেযেয়্যে সিবে নিজোর আঢত্তুন্‌ খুলিনে মর্দখয়রে দিলো। ইষ্টেরে হামনর সোম্বোত্তিগানি উগুরে মর্দখয়রে নেযেল।

গীতসংহিতা 132:16

মুই সিয়োন ধর্মগুরুগুনোর উদ্ধোরর পজাক্কানি উরেই দিম্; সিদুগোর ভক্তগুনে হুজিয়ে দাঙর্ দাঙর্ গুরি গীদ্ গেবাক্।

গীতসংহিতা 132:9

তঅ ধর্মগুরুগুনে ন্যায়র পোজাক্ উরোদোক্, আর তঅ ভক্তগুনে রঙ্গ-ফুত্তিয়ে গীদ্ গাদোক্।

গীতসংহিতা 18:33

তে মরে উরিঙো ধোক্ক্যেন্ গুরি ফাল্যে ফাল্যে যেবার বলান্ দিয়্যে; অজল্ অজল্ জাগাত্ তে মরে থিয়্যেই রাগেয়্যে।

গীতসংহিতা 45:13

রাজঘরত্ রাজার-বৌবোরে অমকদ দোল দেগিবো; তার্ পজাগত্ সনার সুদোলোই বুন্যে আঘে।

পরমগীত 7:1

ও রাজার্ ঝিবো, জদা ভিদিরে তর্ দ্বিয়েন্ টেঙ্ চাদে কেজান্ দোল্! তর্ দ্বিবে উলুহুল চেঙারাগান্ মানেগ ধোক্ক্যেন্, সিগুন যেন কাবিল্ কালিগরর্ আঢ কাম্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

লূকে লেখ্যে গম্ হবর্ 15:21

সেক্কে পুয়োবো কলঅ, বাবা, মুই গোজেন আর তঅ বিরুদ্ধে পাপ্ গোজ্যং। কেঅ যে আর মরে তর্ পুয়ো বিলি ডাগোদোক্ সিয়েনর্ যগাজ্যে মুই নয়।

লূকে লেখ্যে গম্ হবর্ 15:23

আর পক্তা-মক্তা গোরু ছবুয়ো আনিনে কাবঅ। এজঅ, আমি হানা-দানা গুরিনে ফুত্তি গুরিই,

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।

ইফিষীয় 6:15

আর শান্তির্ গম্ হবর্ প্রচারত্যে ঠেঙানি যুক্কোল্ গুরিনে থিয়্যেই থাগঅ।

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

ফগদাং পেইয়্যে 19:8

চোক্‌‌চোক্যে, সাব্ আর নিগুজ্ কুজি কাবড় তারে পিনিবাত্যে দিয়্যে ওইয়্যে। সেই কাবড়ান অলঅ গোজেন মানুচ্চুনোর ধর্ম লক্কণ।”

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

ফগদাং পেইয়্যে 6:11

সেক্কে তারারে পত্তিজনরে এক্কান গুরি ধূব্ পোজাক্ দিয়্যে অলঅ আর কুয়ো অলঅ, তারার সমাজ্জ্যে আর ভেইয়ুনোরে, যিগুনোরে তারা ধোক্ক্যেন গুরি মারে ফেলা অবঅ তারা জনেদি ন-পুরোনা সং তারা যেন আরঅ কিজু কাল বাজ্জ্যেই থান্।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।