লূকে লেখ্যে গম্ হবর্ 15:17 - Chakma Bible

¹⁷ পরেদি একদিন্যে তার উষ্ অলঅ। সেক্কে তে কলঅ, মঅ বাপ্পোর্ কদক্ চাগরে কদক্ বেশ্ হানা হেই পাদন্, অদচ মুই ইধু পেট্ পরায় মরঙর্।

লূকে লেখ্যে গম্ হবর্ 15:17 ပူးပေါင်းရင်းမြစ်များ

গীতসংহিতা 119:59

মুই কন পধেন্দি আদাউদো গোজ্যং সে পৌইদ্যেনে চিন্তে গুরি চেইয়োং, সেনত্তে তর্ কধামজিম্ মঅ টেঙানি ফিরেয়োং।

গীতসংহিতা 73:20

ঘুম ভাঙিলে মানজ্যর্ স্ববনান্ যেধোক্ক্যেন তুচ্চো ওই যায়, সেধোক্ক্যেন ও প্রভু, তুই জাগিলে তারায়ো তইদু তুচ্চো ওই যেবাক্।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিরমিয় 31:19

মুই ভান্ন্যেই পধেদি যানার্ পরেদি মনত্ দুঘ্ গুরি ফিরিলুং, বুঝি পারিনে বুগ্‌‍‍কো চাবেরেলুং। মুই লাজত্ আর অগমান পেলুং, কিত্তে মর্ গাবুজ্যে বয়জর্ পাপত্তে মত্তুন অসর্মান উয়ো পোজ্যে।

আবিলেচ্ 1:7

যিরূশালেমানে তার দুঘোর্ আর ঘুরি বেড়েবার দিনুনোত্ তার পুরোণি দিনোর ধন-সম্পদর কধানি ইদোত্ তুল্যে। তা মানুচ্চুন যেক্কে শত্রু আঢত্ পোজ্যন সেক্কে তারে সাহায্য গুরিবার কনজন ন-এলঅ। তা শত্রুগুনে তাইন্দি রিনি চেইনে তারে ভস্ত গুরিবাত্তে ঠাট্টা-মশ্‌‌‌‌কারি গোজ্যন।

যিহিষ্কেল 18:28

তার অন্যেয়র্ কধানি ভাবিনে সিয়েনিত্তুন্ ফিজ্যে বিলিনে তে হামাক্কায় বাঁজিবো, ন-মুরিবো।

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।

লূকে লেখ্যে গম্ হবর্ 15:16

শুগরে যে আদার্ খেদাক্ তে সিয়েন হেইনে পেট্ ভোরেবার্ চেদঅ, মাত্তর্ কেঅ তারে সিয়েন-অ ন-দিদাক্।

লূকে লেখ্যে গম্ হবর্ 16:23

মরণ জাগাত্ অমকদ যন্ত্রণাত্ থেইনে তে উগুরেদি রিনি চেলঅ আর দূরোত্তুন্ অব্রাহাম আহ্ তা কুরে লাসাররে দেগিলো ।

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

প্রেরিত্‌ 12:11

সেক্কে পিতরে যেন চেতনা ফিরি পেলঅ আর কলঅ, “ইক্কিনে মুই ঘেচ্চ্যেক্ গুরি বুঝিলুং যে, প্রভু তা দূত্‌তোরে পাধেইনে হেরোদ্অ আঢত্তুন্ আর যিহূদীগুনে যিয়েন গুরিবাত্যে কুজুরোমি গোজ্জ্যন্ সিয়েনিত্তুন্ মরে রোক্ষ্যে গুরিলো।”

প্রেরিত্‌ 2:37

এ কধাগান শুনিনে মানুচ্চুনে মনত্ আঘাত্ পেলাক্। তারা পিতর আর অন্য দিপাধেয়্যেগুনোরে পুযোর্ গুরিলাক্, “ভেইলগ, আমি কি গুরিবোং?”

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”