লূকে লেখ্যে গম্ হবর্ 15:15 - Chakma Bible

¹⁵ সেক্কে তে যেইনে সে দেজর্ এক্কো মান্‌জ্য ইধু চাগরি চেলঅ। মানুচ্চো তারে তা শূগোরুন্ চোরেবাত্তে মাঢত্ পাধেই দিলো।

লূকে লেখ্যে গম্ হবর্ 15:15 ပူးပေါင်းရင်းမြစ်များ

২ বংশধর 28:22

তার্‌ এ দুগোত্‌ রাজা আহসে লগেপ্রভু উগুরে আরঅ অবিশ্বেজি অলঅ।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যিশাইয় 1:5

তুমি আর কিত্তে মার্ হেবা? কিত্তে উল্লোমী গুরিবা? তমা মাঢাবোত্ আগাত্ লাক্ক্যে, গদা মনান্ অসুগ্ ওইয়্যে।

যিশাইয় 57:17

তারার্ লুভোত্তে মুই রাগে জুলি উঠ্যং, আর তারারে সাজা দিইনে অমকদ বেজার্ পেইনে মঅ মুয়োন্ ফিরেই নেযেয়োং; তো তারা তারার আওজ্ মজিম পধেদি যাহ্ ধুরিলাক্।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিহিষ্কেল 16:52

তর্ অসর্মানান তত্তুন্ মানি নেযা পড়িবো, কিত্যে তর্ কামানিয়ে তঅ বোনুনোর তপ্পে সাক্ষি দের্। তর্ পাপ্পানি তারাত্তুন্‌অ বেশ্ জঘন্য বিলিনে মনে অয়। সেনত্তে তুই লাজেস্ আর তর্ অসর্মানান্ মানি নেযা, কিত্যে তুই তর্ বোনুনোরে ধার্মিক প্রমান গোজ্যস্।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

নহূম 3:6

মুই তঅ উগুরে আদংকাজর্ ফেলেম, তরে ঘিনেইদ্যে চোগেদি রিনি চেইম্ আর তরে ঈচ্ গরেদে মান্‌‌জ্য ধোক্ক্যেন গুরিম।

মালাখি 2:9

তুমি মঅ পধেদি ন-চলঅ বরং রীদি-সুদোম পৌইদ্যেনে মানুচ্চুনো সমারে তুমি এক মোক্ক্যে ওইয়ো। সেনত্তে বেক্ মানুচ্চুনো মুজুঙোত্ মুই তমারে ঈচ্ গরে পারা আর অসর্মান অই পারা গুরিম।”

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

লূকে লেখ্যে গম্ হবর্ 15:13

কিজু দিন পরেদি চিগোন্ পুয়োবো তা সম্বোত্তিগান্ বেজিনে টেঙা-পৌইজ্যে লোইনে দূর্ দেজত্ গেলঅ। সিধু তে ভান্ন্যেই গুরি জিংকানি কাদেইনে তার্ বেক্‌ টেঙা-পোইজ্যেগুন্ উড়েই দিলো।

লূকে লেখ্যে গম্ হবর্ 15:14

যেক্কে তে তার বেক্‌ টেঙাগুন্ খরচ্ গুরি ফেলেল সেক্কে সেই দেজর্ বেক্‌ জাগানিত্ অমকদ ভাদ-রাট্ দেগা দিলো। সেক্কে তে অভাবত্ পল্ল।

লূকে লেখ্যে গম্ হবর্ 15:16

শুগরে যে আদার্ খেদাক্ তে সিয়েন হেইনে পেট্ ভোরেবার্ চেদঅ, মাত্তর্ কেঅ তারে সিয়েন-অ ন-দিদাক্।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।