লূকে লেখ্যে গম্ হবর্ 15:13 - Chakma Bible

¹³ কিজু দিন পরেদি চিগোন্ পুয়োবো তা সম্বোত্তিগান্ বেজিনে টেঙা-পৌইজ্যে লোইনে দূর্ দেজত্ গেলঅ। সিধু তে ভান্ন্যেই গুরি জিংকানি কাদেইনে তার্ বেক্‌ টেঙা-পোইজ্যেগুন্ উড়েই দিলো।

লূকে লেখ্যে গম্ হবর্ 15:13 ပူးပေါင်းရင်းမြစ်များ

গীতসংহিতা 73:27

যিগুনে তত্তুন্ দূরোত্ সুরি যেইয়োন, তারা শেজ্ ওই যেবাক্; যিগুনে তঅ উগুরে অবিশ্বেজি তুই তারারে ভস্ত গুরি ফেলেবে।

গম্ উপদেজ্ 18:9

যে নিজো কামত্ আল্‌সেমি গরে তে ভস্তগুরিয়্যে ভেই।

গম্ উপদেজ্ 21:17

যে মানুচ্চো আমোদ-প্রমোদ গম্ পায় তে নাঢা অবঅ; যে মানুচ্চো আংগুর-রস আর তুম্বাজ্ তেল্ গমপায় তে কনদিন্অ তাগোয়্যে ওই ন-পারিবো।

গম্ উপদেজ্ 21:20

বুদ্ধিমান ঘরত্ মূল্যবান ধন আর তুম্বাজ্ তেল্ জমা থায়, মাত্তর্ সিয়েন যুনি বিবেচনা নেইয়্যে মান্‌জ্য ঘরত্ থায় সালে তে বেক্কানি শেজ্ গুরি ফেলায়।

গম্ উপদেজ্ 27:8

পেগো বাহ্ ইরি দিয়্যে ঘুরি বেড়েয়্যে পেক্কো যেধোক্ক্যেন্, ঘর্ ইরি দিয়্যে ঘুরি বেড়েয়্যে মানুচ্চোয়ো সেধোক্ক্যেন্।

গম্ উপদেজ্ 28:7

যে পুয়োবো সুদোমানি মানে তে বুদ্ধিবলা, মাত্তর্ যে পুয়োবো পেদুক্কুনোর সমাজ্যে তে তা বাব্‌‌পোর অসর্মান আনে।

গম্ উপদেজ্ 29:3

যে মানুচ্চো জ্ঞান কোচ্‌‌পায় তে তা বাবরে হুজি গরায়, মাত্তর্ যে বেশ্যেগুনো লগে থায় তে তার ধন বরবাত্ লাগায়।

গম্ উপদেজ্ 6:26

কিত্তে বেশ্যেবো যেরেদি তরে হানা দুঘোত্ ফেলেব, আর বেশ্যেবো তঅ দোল্ জিংকানিগান শিগের্ গুরিবো।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 22:13

মাত্তর্ চঅ, সিয়েনত্ রঙ্গ ফুত্তি আর রঅ রঅ ছঅ ছঅ চলের্, আর গোরু ভেড়া কাবিনে আহ্ য়েরা আর আংগুর-রস হানা চলের্। তুমি কত্তে, “এজঅ, আমি হানা-দানা গুরিই, কিত্তে কেল্যে আমি মুরি যেবং।”

যিশাইয় 30:11

পথ্‌তান ছাড়, পথ্‌‌‌তানত্তুন্ সুরি যঅ। আমি আর্ ইস্রায়েলর সেই পবিত্র মানুচ্চোর কধা শুনিবাত্তে ন-চেই।”

যিশাইয় 56:12

বেক্কুনে কন্, “যেই, আংগুর-রস আনিই; যেই, আমি পেট্ ভরে সং মদ হেই। এচ্চ্যেত্তুন্ কেল্যে আরঅ গম্ অবঅ।”

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 2:5

লগেপ্রভু কোইয়্যেদে, তমা পুরোণি মানুচ্চুনে মর্ কি কনঅ দুষ তোগেইনে পেইয়োন, তারা মত্তুন্ দূরোত্ সুরি যেইয়োন? তারা অকেজোর্ মূত্তির্ পিজেদি যেইনে তারায়ো অকেজো ওই যেইয়োন।

মীখা 6:3

লগেপ্রভু কত্তে, “ও মঅ মানুচ্চুন, মুই তমারে কি গোজ্যং? কেধোক্ক্যেন গুরি মুই তমারে দুঘ্ দুয়োং? মরে জোব্ দে।

লূকে লেখ্যে গম্ হবর্ 15:12

চিগোন্ পুয়োবো তা বাবরে কলঅ, বাবা, মঅ ভাগ সম্বোত্তিগান্ মরে দে। সেক্কে সে মানুচ্চো তা দ্বিবে পুয়োরে সম্বোত্তিগানি ভাগ্ গুরি দিলো।

লূকে লেখ্যে গম্ হবর্ 15:14

যেক্কে তে তার বেক্‌ টেঙাগুন্ খরচ্ গুরি ফেলেল সেক্কে সেই দেজর্ বেক্‌ জাগানিত্ অমকদ ভাদ-রাট্ দেগা দিলো। সেক্কে তে অভাবত্ পল্ল।

লূকে লেখ্যে গম্ হবর্ 15:30

মাত্তর্ তর্ এ পুয়োবো, যে বেশ্যে মিলেগুনো পিজেদি তর্ টেঙা-পোইজ্যেগুন্ উড়েই দিয়্যে, তে যেক্কে এলঅ তুই তাত্যে পক্তা-মক্তা গোরুছবো কাবিলে।

লূকে লেখ্যে গম্ হবর্ 16:1

যীশু তা শিচ্চ্যগুনোরে কলঅ, কনঅ এক্কো থাগোইয়্যে মান্‌জ্যর আজল্ চাগর্‌বোরে ইয়েন কোইনে দুচ্‌ দিয়্যে অলঅ যে, তে তার গিরোজর্ ধন-সোম্বোত্তিগানি বর্‌বাদ্ গরের্।

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

ইফিষীয় 2:13

তুমি এক কালত্ দূরোত্ এলা, মাত্তর্ খ্রীষ্ট যীশু সমারে এগত্তর্ ওইয়ো বিলিনে তমারে ইক্কিনে তার্ লো-লোই কায়কুরে আনা ওইয়্যে।

ইফিষীয় 2:17

তুমি যিগুনে দূরোত্ এলা আর তারা যিগুনে কায়কুরে এলাক্, বেক্কুনো ইধু তে এইনে শান্তির্ গম্ হবর্ ফগদাং গোজ্জ্যে।

২ পিতর 2:13

তারার্ ভান্ন্যেই কামর্ পাওনা ইজেবে তারা দুঘোত্ ভুগিবাক্। এই মানুচ্চুনে দিনোত্ হেবার অক্তত্ রঅ ছাড়ি ছাড়ি মদ খাদে হুজী অন। যেক্কে তারা তমা সমারে হেবাত্যে বজন্ সেক্কে রঅ ছাড়ি ছাড়ি মদ খাদে খাদে তারার্ কামনায় তারা সেই হানা-দানা সমারে লাজানা আর অসর্মানান্ আনন্।