লূকে লেখ্যে গম্ হবর্ 14:28 - Chakma Bible

²⁸ তমাত্তুন্ কেঅ যুনি এক্কান্ অজল্ ঘর্ বানেবাত্তে চায় সালে তে আগে বৈইনে খরজর্ ইজাব্ গরে। তে দেগিবাত্তে চায়, সিয়েন থুম্ গুরিবাত্যে তার যগাজ্যে দীনার্ আঘন্ কি না।

লূকে লেখ্যে গম্ হবর্ 14:28 ပူးပေါင်းရင်းမြစ်များ

গম্ উপদেজ্ 24:27

তঅ খেত্-খামারুন যুক্কোল্ গুরিনে তুই বারেদি কামানি থুম্ গর্, সে পরেদি তঅ ঘরান্ বান্।

মথি লেখ্যে গম্ হবর্ 10:22

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

লূকে লেখ্যে গম্ হবর্ 14:27

যে মানুচ্চো নিজোর্ ক্রুশ্‌‌চান্ বুয়োইনে মঅ পিজেদি ন-এজে তে মর্ শিচ্চ্য ওই ন-পারে।

লূকে লেখ্যে গম্ হবর্ 14:29

সিয়েন ন-অলে তে গাদনি গাদিবার্ পরেদি যুনি সেই অজল্ ঘরান্ থুম্ গুরি ন-পারে, সালে যিগুনে সিয়েন দেগিবাক্ সিগুনে বেক্কুনে তারে ঠাট্টা গুরিবাক্।

লূকে লেখ্যে গম্ হবর্ 14:33

শেজদি যীশু কলঅ, সেবাবোত্যেগুরি তমা ভিদিরে যুনি কেঅ চিন্তে-ভাবনা গুরিনে তার্ বেক্কানি ছাড়িনে ন-এজে সালে তে মঅ শিচ্চ্য ওই ন-পারে।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”