লূকে লেখ্যে গম্ হবর্ 14:27 - Chakma Bible

²⁷ যে মানুচ্চো নিজোর্ ক্রুশ্‌‌চান্ বুয়োইনে মঅ পিজেদি ন-এজে তে মর্ শিচ্চ্য ওই ন-পারে।

লূকে লেখ্যে গম্ হবর্ 14:27 ပူးပေါင်းရင်းမြစ်များ

মথি লেখ্যে গম্ হবর্ 10:38

যে নিজোর ক্রুশ লোইনে মঅ পধেদি ন-চলে তেয়ো মর্ যগাজ্যে নয়।

মথি লেখ্যে গম্ হবর্ 13:21

মাত্তর্ তারা ভিদিরে শিঙোরান্ গমে ডালে ন-বজে বিলি তারা কানক্কনত্তে থির্ থান্। যেক্কে সে কধানিত্তে দুঘ্ আর অত্যেচার্ এজে সেক্কে তারা পিজেদি যান্।

মার্ক 10:21

ইয়েন্দোই যীশু তা ইন্দি রিনি চেলঅ আর অমকদ কোচ্‌‌‍পেইনে তারে কলঅ, “এক্কান জিনিস তর্ বাগি আঘে। যাহ্, তর্ যিয়েনি আঘে সিয়েনি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মার্ক 15:21

নিগিলিনে যেবার্ পধত্ তারা শিমোন নাঙে শঅরর্ এক্কো মান্‌‌জ্যর্ লগে দেগা অলঅ, যিবে দেজর্ শঅরত্তুন্ এজের্ আর সৈন্যগুনে তারে যীশুর ক্রুশ্‌‌চান বুয়োই নেযেবাত্তে বাধ্য গুরিলাক্। শিমোনে অলঅ কূরীণী শঅরর্ মানুচ্ আর আলেক্‌‌সান্দর আহ্ রূফোর বাপ্।

লূকে লেখ্যে গম্ হবর্ 14:28

তমাত্তুন্ কেঅ যুনি এক্কান্ অজল্ ঘর্ বানেবাত্তে চায় সালে তে আগে বৈইনে খরজর্ ইজাব্ গরে। তে দেগিবাত্তে চায়, সিয়েন থুম্ গুরিবাত্যে তার যগাজ্যে দীনার্ আঘন্ কি না।

যোহন 19:17

যীশু নিজো ত্রুুশ্‌চান্ নিজে ভুগিনে কুলো চারা নাঙে এক্কান্ জাগাত্ গেলঅ। সেই জাগানর্ ইব্রীয় নাঙান্ এলঅ গল্‌গথা।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 3:12

আসলে যিগুনে খ্রীষ্ট যীশুর্ লগে মিজেইনে গোজেন উগুরে ভোক্তিবলা জিংকানি কাদেবাত্যে চান্ তারা অত্যেচারিত অবাক্।