লূকে লেখ্যে গম্ হবর্ 14:26 - Chakma Bible

²⁶ যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

লূকে লেখ্যে গম্ হবর্ 14:26 ပူးပေါင်းရင်းမြစ်များ

গীতসংহিতা 139:22

তারারে মুই এক্কুবারে এলাফেলা গরং; মঅ শত্রু বিলিনে মুই তারারে মনে গরং।

গণাণা 10:30

জোবত্‌ হোববে কলঅ, “না, মুই ন-যেম্‌। মুই মর্‌ নিজোর্‌ দেজত্‌ নিজোর্‌ মানুচ্চুনো ইদু ফিরি যাঙর।”

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

লূকে লেখ্যে গম্ হবর্ 14:20

অন্য আর একজনে কলঅ, মুই মোক্ লোইয়োং, সেনত্তে যেই ন-পারঙর্।

লূকে লেখ্যে গম্ হবর্ 14:25

যীশু সমারে বোউত্ মানুচ্‌ যাদন্। যীশু সেই মানুচ্চুনো ইন্দি ফিরিনে কলঅ,

যোহন 12:25

যে নিজো পরাণানরে বেশ্ কোচ্‌পায় তে তার্ ঘেচ্চেক্‌গুরি জিংকানিগান্ আরায়, মাত্তর্ যে এ জগদত্ সিয়েন্ ন-গরে তে তার্ ঘেচ্চেক্‌গুরি জিংকানিগান্ উমরত্যে রোক্ষ্যে গুরিবো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

রোমীয় 9:13

আর সেনত্তে পবিত্র বোইবোত্ লেগা আঘে, “যাকোবরে মুই কোচ্‌পেইয়োং, মাত্তর্ এষৌরে এলাফেলা গোজ্জ্যং।”

দ্বি’লম্বর বিররণ 21:15

এবাবোত্যে ওই পারে, এক্কো মান্‌জ্যর দ্বিবে মোক্‌ আঘে, আর তারার্‌ একজনরে তে কোচ্‌পায় অন্যজনরে কোচ্‌ ন-পায়। তারার দ্বিজনর যুনি পূঅ অয় আর পত্তম পূঅবোর জর্ম অয় সে মোক্কো পেদত্‌ যিবেরে তে কোচ্‌ ন-পায়,

দ্বি’লম্বর বিররণ 33:9

নিজোর বাপ-মারে দাঙর্ গুরি ন-দেগানা, নিজোর ভেইয়োরে স্বীগের্ ন-গরানা, নিজোর পূঅ-ঝিগুনোরে অস্বীগের্ গরানা, তে তর্‌ কধানি চুগি দিয়্যে আর তর্‌ বেবস্থাগান্‌ রোক্ষে গোজ্যে।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।