লূকে লেখ্যে গম্ হবর্ 14:23 - Chakma Bible

²³ সেক্কে গিরোজ্‌সো চাগর্‌বোরে কলঅ, ‘শঅরর্ বারেদি পধে পধে আর গলিয়ে গলিয়ে যাহ্ আহ্ ইধু এবাত্যে মানুচ্চুনোরে জোর্ গর্, যেন মঅ ঘরান্ ভুরি যায়।

লূকে লেখ্যে গম্ হবর্ 14:23 ပူးပေါင်းရင်းမြစ်များ

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 98:3

ইস্রায়েল জাদ্‌তুনোত্যে তার অমকদ কোচ্‌পানা আর বিশ্বেজর কধা তে মনত্ রাগেয়্যে; আমা গোজেন উদ্ধোরর্ কামানি পিত্‌থিমীর বেক মানুচ্চুনে দেখ্যন্।

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

মথি লেখ্যে গম্ হবর্ 5:41

যে কনজনে তরে তা ভূদিবো লোইনে এক মেইল্ বলেবলে যেবাত্তে হয় তা সমারে দি-মেইল্ যেচ্।

লূকে লেখ্যে গম্ হবর্ 14:22

ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

লূকে লেখ্যে গম্ হবর্ 14:24

মুই তমারে কঙর্, যিগুনোরে হেবাত্যে বলা ওইয়্যে তারাত্তুন্ কনজনে মর্ এই হানাগান্ হেই ন-পারিবাক্।’”

লূকে লেখ্যে গম্ হবর্ 24:29

সেক্কে তারা ভারী কোজোলী গুরিনে তারে কলাক্, “ইক্কে বেলান্ যেইয়্যে, সাজোন্যে ওইয়্যে। তুই আমা সমারে থাগ্।” ইয়েন্দোই তে তারা সমারে থেবাত্তে ঘরত্ সোমেল।

প্রেরিত্‌ 16:15

ইয়েন্দোই তে আর তা ঘরর্ বেক্কুনে বাপ্তিষ্ম ললাক্। ইয়েন পরেদি তে ইয়েন কোইনে আমারে বাত্ত্যেল, “যুনি মরে তুমি প্রভুর্ উগুরে বিশ্বেজি বিলি মনে গরঅ সালে মঅ ঘরত্ এইনে থাগগি।” এ কধাগান্ কোইনে তে আমারে কোজোলি গুরিনে তা ঘরত্ নেযেল।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 10:18

মাত্তর্ মুই কং, ইস্রায়েলীয়গুনে কি সেই কধানি ন-শুনোন্? খামাক্কায় শুন্ন্যন্। পবিত্র বোইবো কয়, তারার্ ডাগানাগান্ গোদা দুনিয়েগানত্ ছিদি পোজ্জ্যে, ছিদি পোজ্জ্যে তারার্ কধানি জগদর্ থুমো দুজি সং

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

কলসীয় 1:28

আর সেই খ্রীষ্ট পৌইদ্যেনে আমি প্রচার গুরিই, অত্তাৎ গোজেনর্ দিয়্যে ন-ফুরেইয়্য জ্ঞান লগে আমি পত্তিজনরে উজিয়ার্ গুরিই আর শিক্ষ্যে দিই, যেন পত্তিজনরে আমি খ্রীষ্টর্ মাধ্যমে যগাজ্জ্যে গুরি তুলিই পারি।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।