লূকে লেখ্যে গম্ হবর্ 14:22 - Chakma Bible

²² ইয়েনি বেক্কানি গরানার্ পরেদি সেই চাগর্‌বো কলঅ, ‘প্রভু, তঅ উগুম্ মজিম্ বেক্কানি গরা ওইয়্যে, মাত্তর্ এজঅ বোউত্ জাগা আঘে।’

লূকে লেখ্যে গম্ হবর্ 14:22 ပူးပေါင်းရင်းမြစ်များ

গীতসংহিতা 103:6

লগেপ্রভু যগাজ্যে কাম গরে; তে গমেডালে অত্যেচারিগুনোর বিচের গরে।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

লূকে লেখ্যে গম্ হবর্ 14:21

“সেই চাগর্‌বো ফিরি যেইনে তা গিরোজ্‌‌‌সোরে ইয়েনি বেক্কানি কলঅ। সেক্কে ঘর গিরোজ্‌সো রাগ্ উদিনে তা চাগর্‌বোরে কলঅ, ‘তুই যাদিমাদি শঅরর্ পধে পধে আর গলিয়ে গলিয়ে যেইনে নাঢা, লুলো, কানা আর লেংউনরে ইধু আন্।’

লূকে লেখ্যে গম্ হবর্ 14:23

সেক্কে গিরোজ্‌সো চাগর্‌বোরে কলঅ, ‘শঅরর্ বারেদি পধে পধে আর গলিয়ে গলিয়ে যাহ্ আহ্ ইধু এবাত্যে মানুচ্চুনোরে জোর্ গর্, যেন মঅ ঘরান্ ভুরি যায়।

যোহন 14:2

মঅ বাবঅ ঘরত্ থেবার্ বোউত্ জাগা আঘে। সিয়েন্ ন-থেলে মুই তমারে কোদুং, কিয়া মুই তমাত্যে জাগা থিক্ গুরিবাত্যে যাঙর্।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।