লূকে লেখ্যে গম্ হবর্ 14:12 - Chakma Bible

¹² যে তারে হেবাত্যে বোলেইয়্যে পরেদি যীশু তারে কলঅ, “যেক্কে তুই হানা-দানার্ আয়োজন গুরিবে বা হানা দিবে সেক্কে তঅ দাংগুগুনোরে বা ভেইয়ুনোরে বা ইত্ত্য কুদুম্মোগুনোরে বা থাগোইয়্যে পাড়াল্ল্যেগুনোরে হেবাত্যে ন-বোলেইবে। সিয়েন গল্ল্যে অয়ত তারায়ো ইয়েনর্ বদলে তরে হেবাত্যে বোলেইব আর এবাবোত্যেগুরি তঅ বলানাগান্ শুজোশুজি ওই যেবঅ।

লূকে লেখ্যে গম্ হবর্ 14:12 ပူးပေါင်းရင်းမြစ်များ

গম্ উপদেজ্ 14:20

নাঢা মান্‌জ্যরে তা পাড়াল্যেগুনেয়ো ঈচ্ গরন, মাত্তর্ তাগোয়্যেগুনোর বোউত্ সমাজ্যে থান্।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

মথি লেখ্যে গম্ হবর্ 5:46

যিগুনে তমারে কোচ্‌পান বানা তারারে যুনি তুমি কোচ্‌পঅ সালে তুমি কি বক্‌শিজ্ পেবা? খাজানা-তুলিয়েগুনেয়ো কি সে বাবোত্যে ন-গরন্?

লূকে লেখ্যে গম্ হবর্ 1:53

যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

লূকে লেখ্যে গম্ হবর্ 1:58

তা উগুরে প্রভুর অমকদ দোয়্যের্ কধানি শুনিনে পাড়াল্যেগুনে আর কুদুম্মোগুনে তা সমারে ফুত্তি গরা ধুরিলাক্।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

লূকে লেখ্যে গম্ হবর্ 14:13

মাত্তর্ তুই যেক্কে হানা দিবে সেক্কে নাঢা, লুলো, লেং আর কান্ মানুচ্চুনোরে ডাগিবে।

২ করিন্হীয় 6:13

মর্ পুয়ো ইজেবে মুই তমারে কঙর্, আমি যেধোক্ক্যেন গুরি তমাত্যে আমা মনানি মেলি থোইয়্যেই তুমিয়ো সেধোক্ক্যেন গুরি তমা মনানি আমাত্যে মেলি দুয়ো।