লূকে লেখ্যে গম্ হবর্ 13:35 - Chakma Bible

³⁵ চঅ, তমা মন্দিরুন তমা মুজুঙোত্ খালি ওই পড়ি থেবঅ। মুই তমারে কঙর্, যেদকদিন সং তুমি ন-কবা, ‘যিবে প্রভুর নাঙে এজের্ তার বাঈনী ওক্,’ সেদক্ বিলোন্ সং তুমি আর মরে ন-দেগিবা।”

লূকে লেখ্যে গম্ হবর্ 13:35 ပူးပေါင်းရင်းမြစ်များ

গীতসংহিতা 118:26

যিবে লগেপ্রভুর নাঙে এজের্ তারে বাঈনী গরা ওক্। লগেপ্রভুর ঘরত্তুন্ আমি তমারে বর্ দিই।

গীতসংহিতা 69:25

তারার থেবার জাগায়ান খালি পড়ি থোক্। তারা তাম্বুলোত্ থেবার্ কেঅ ন-থাদোক্।

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 19:41

তারা যেক্কে যিরূশালেম ইধু এলাক্ সেক্কে যীশু শঅরান্ দেগিনে কানিলো ।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

যোহন 12:13

সেক্কে তারা খাজোর্ পাদালোই তারে আগ্ বারেই আনিবাত্যে গেলাক্ আর রঅ ছাড়িনে কুয়ো ধুরিলাক্, “হোশান্না, যে প্রভুর নাঙে এজের্ তার্ বাঈনী ওক্‌। তেয়ই ইস্রায়েলর্ রাজা।”