লূকে লেখ্যে গম্ হবর্ 13:33 - Chakma Bible

³³ যাহোক্, আর কয়েকদিন পরেদি মত্তুন্ যাহ্ পুরিবো, কিয়া এক যিরূশালেম বাদে আর কনঅ জাগাত্ কনঅ ভাববাদীর্ মরণ ওই পারে নাহি?

লূকে লেখ্যে গম্ হবর্ 13:33 ပူးပေါင်းရင်းမြစ်များ

মথি লেখ্যে গম্ হবর্ 20:18

“শুনো, তে তারারে কলঅ, আমি যিরূশালেমত্ যের্। সিধু মান্‌জ্যপুয়োবোরে আজল্ ধর্মগুরু আর ধর্ম-মাষ্টরুনো আঢত্ ধোরেই দিয়্যে অবঅ।

মথি লেখ্যে গম্ হবর্ 21:11

মানুচ্চুনে কলাক্, “তে গালীলোর্ নাসরত্ আদামর্ ভাববাদী যীশু।”

লূকে লেখ্যে গম্ হবর্ 9:53

মাত্তর্ যীশু যিরূশালেমত্ যার্ বিলি সে আদাম মানুচ্চুনে তারে মানি ন-ললাক্।

যোহন 11:54

সেনত্তে যীশু খুলোমেলা গুরি যিহূদীগুনো ইধু চলাফিরে বন্দ গুরি দিলো, আর সে জাগায়ান্ ছাড়িনে ধূল্যেচর-চাগালা ইধু ইফ্রয়িম নাঙে এক্কান্ আদামত্ গেলঅ। সিয়েনত্ তে তা শিচ্চ্যগুনোরে নিইনে থা ধুরিলো।

যোহন 11:9

যীশু জোব্ দিলো, “দিনোত্ কি বার ঘন্টা নেই? কেঅ যুনি দিনোত্ ঘুরোঘুরি গরন্ তে উজোত্ ন-খায়, কিয়া তে এ পিত্‌থিমীর্ পহ্‌রান্ দেগে।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 9:4

যে মরে পাধেয়্যে, বেল্ থাগদে থাগদে তা কামানি গরানা আমার্ দরকার্। রেত্ এজের্, সেক্কে কেঅ কাম্ গুরি ন-পারিবাক্।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 13:27

যিরূশালেম মানুচ্চুন আর তারার্ নেতাগুনে যীশুরে ন-চিনোন্। ইয়েন বাদেয়ো ভাববাদীগুনোর্ যে কধানি পত্তি জিরেবার্ দিনোত্ পড়া অয় সেই কধানি তারা ন-বুঝোন্; সেনত্তে তারা যীশুরে দুষী গুরিনে সেই কধাগান পূরোণ্ গোজ্জ্যন্।