লূকে লেখ্যে গম্ হবর্ 13:19 - Chakma Bible

¹⁹ গোজেন রেজ্যগান্ এমন্‌ এক্কো শোজ্য-বিজি ধোক্ক্যেন্ যিবে এক্কো মান্‌জ্যে নেযেইনে তা বাগানত্ লাগেল। যেরেদি চারা বাড়ি উদিনে এক্কো গাজ্ ওই উদিলো। সেক্কে পেগ্‌কুনে এইনে তা ডেলাগুনোত্ ভাহ্ বানিলাক্।”

লূকে লেখ্যে গম্ হবর্ 13:19 ပူးပေါင်းရင်းမြစ်များ

পরমগীত 4:12

মর্ পরাণি, মর্ বৌবো, তুই যেন দেবাল্লোই ঘিজ্যে এক্কান বাগান্; তুই যেন আক্‌সো রাগেয়্যে পয়নালা, বানি রাগেয়্যে তান্জাং। ‌‌‌

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

পরমগীত 8:13

তুই দঅ বাগানে বাগানে থাচ্; তঅ সমাজ্যেগুনে তঅ রবো শুনোন্, মরেয়ো সিবে শুনিবাত্তে দে।

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিহিষ্কেল 31:6

আগাজর্ বেক পেখ্‌‌কুনে তার ডেলাগুনোত্ বাহ্ বানিলাক্ আর ঝারর্ বেক পেখ্‌‌কুনে তার ডেলাগুনো তলে ছঅ পুদেদাক্; তার ছাবাবোত্ বজত্তি গুরিদাক্ বেক দাঙর্ দাঙর্ জাদে।

দানিয়েল 4:12

তা পাদানি দোল্ এলঅ আর গুলোগুলি এলাক্ বোউত্ আর সিগুনোত্তুন্ বেক্কুনে হানা পেদাক্। সিবে তলেদি মাদ য়েমানুনে আশ্রয় নেযেদাক্ আর আগাজর্ পেগ্‌কুনে তা ডেলাগুনোত্ বজত্তি গুরিদাক্; বেক্ প্রাণিগুনে সিবেত্তুন হানা পেদাক্।‌‌

দানিয়েল 4:21

যিবের্ দোল্ পাদা আর বোউত্ ফল এলাক্, যিবে বেক্কুনোরে হানা যোগেদ, যিবে মাদ য়েমানুনোরে আশ্রয় আর যিবে ডেলাগুনোত্ আগাজ পেগ্‌কুনে থেবার জাগা পেদাক্-

সখরিয় 2:11

সেদিন্যে ভালোক্ জাদে মঅ সমারে মিজেইনে মঅ মানুচ্ অবাক্। মুই তমা ইধু বজত্তি গুরিম।” যেক্কে সিয়েন ঘুদিবো সেক্কে তুমি হবর্ পেবা যে, বেগত্তুন্ খেমতাবলা লগেপ্রভু মরে তমা ইধু পাদেয়্যে।

মথি লেখ্যে গম্ হবর্ 17:20

যীশু তারারে কলঅ, তমার কম্ বিশ্বেজর কারনে ন-পারিলা। মুই তমারে ঘেচ্চেকগুরি কঙর্, যুনি এক্কো সোজ্য বীজি ধোক্ক্যেন্ বিশ্বেজ্অ তমার্ থেদঅ সালে তুমি এ মুড়োবোরে কধা, ইয়োত্তুন সুরিনে উবোত্ যাহ্, আর সেক্কে সিবে সুরি যেবঅ। তমার পক্ষে কিচ্চু আগাত্যে ন-অবঅ।

মার্ক 4:30

সে পরেদি যীশু কলঅ, “কা সমারে আমি গোজেন রেজ্যর্ তুলনা গুরিবোং? কন্‌ হিত্ত্যবোর্ মাধ্যমে সিয়েন বুঝেবং?

লূকে লেখ্যে গম্ হবর্ 17:6

প্রভু কলঅ, এক্কো সোজ্য-বিজি ধোক্ক্যেন্অ যুনি তমার্ বিশ্বেজ্ থায় সালে তুমি এই তুত গাচ্চোরে কোই পারিবা, শিঙোর্ সমত্ উদি যেইনে নিজোরে সাগরত্ গারেই থঅ; আর সে গাচ্চো তমা কধা শুনিবো।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 21:20

এ কধানি শুনিনে সেই নেতাগুনে গোজেনরে বাঈনী গুরিলাক্ আর পৌলরে কলাক্, “ভেই, তুই দঅ দেগর্, কদক্ আজার্ আজার্ যিহূদী যীশু উগুরে বিশ্বেজ্ গোজ্জ্যন্ আর তারা বেক্কুনে মোশির রীতি-সুদোম পালেবাত্তে ভারী আওজি।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।