লূকে লেখ্যে গম্ হবর্ 13:17 - Chakma Bible

¹⁷ তে এ কধাগান্ কনার্ পরেদি যিগুনে তা বিরুদ্ধে এলাক্ তারা বেক্কুনে লাজেলাক্। মাত্তর্ অন্য মানুচ্চুনে তার্ এই বেক্‌ দাঙর্ কামানি দেগিনে হুজি অলাক্।

লূকে লেখ্যে গম্ হবর্ 13:17 ပူးပေါင်းရင်းမြစ်များ

গীতসংহিতা 109:29

মঅ বিপক্কগুনে অগমানে ঢাগা যাদোক্, আর লাজ্ জিনিস্‌ছান কাবড় ধোক্ক্যেন তারার কিয়্যেনিত্ বেড়েয়্যে থোক্।

গীতসংহিতা 111:3

তা কামানি বাঈনী পানালোই আর মহিমালোই ভরা, তার গম্ কামানি উমরত্যে থিদেবর্।

গীতসংহিতা 132:18

মুই তা শত্রুগুনোরে লাজ্ পাইদ্যে পজাক্ উরেই দিম, মাত্তর্ তা মাঢাবোত থেবঅ জোল্ জোল্যে মুকুট।”

গীতসংহিতা 40:14

যিগুনে মরে মারে ফেলেবার চেরেস্‌তাত্ আগন্ তারা বেক্কুনে লাজত্ আর অগমানত্ পোড়োদোক্; যিগুনে মর্ নাশ দেগিবাত্তে চান তারা মাঢাবো তলে গুরিনে ফিরি যাদোক্।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

লূকে লেখ্যে গম্ হবর্ 14:6

মাত্তর্ সেই ধর্ম-নেতাগুনে ইয়েনর্ জোব্ দি ন-পারিলাক্।

লূকে লেখ্যে গম্ হবর্ 18:43

মানুচ্চো সেক্কে লগে লগে চোগেদি দেগিলো আর গোজেনরে বাঈনী গত্তে গত্তে যীশুর্ পিজে পিজে গেলঅ। ইয়েন দেগিনে বেক্ মানুচ্চুনে গোজেনরে নাঙ্ গিনিলাক্ ।

লূকে লেখ্যে গম্ হবর্ 19:48

মাত্তর্ কিবাবোত্যেগুরি সিয়েন গুরিবাক্ সিয়েনর্ কনঅ পথ তারা তোগেই ন-পেলাক্, কিয়া মানুচ্চুনে মন্ দিইনে তার বেক্ কধানি শুনিদাক্।

লূকে লেখ্যে গম্ হবর্ 20:40

সেনত্তে তারা আর কনঅ কিচ্চু যীশুরে পুযোর্ গুরিবার্ সাহচ্‌ ন-পেলাক্।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

২ তীমথিয় 3:9

মাত্তর্ তারা আর উজেই যেই ন-পারিবাক্, কিয়া যান্নি আর যান্ব্রির অঘা কামানি যেবাবোত্যে গুরি বেক্কুনো ইধু ভাযি উঠ্যে ঠিগ্ সেবাবোত্যে গুরি তারার্ অঘা কামানিয়ো বেক্কুনো মুজুঙোত্ ভাযি উদিবো।

তীত 2:8

কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।