লূকে লেখ্যে গম্ হবর্ 12:58 - Chakma Bible

⁵⁸ তুমি বিপক্ষ সমারে বিচেরগ ইধু যেবার্ অক্তত্ পধত্ তা সমারে এক্কান মিটমাটর্ চেট্ট্যা গুরিবা। সিয়েন ন-গুরিলে তে তরে বিচেরগ ইধু টানি নেযেব। সেক্কে বিচেরগে তমারে পুলিশো আঢত্ দিবো আর পুলিশে তরে জেলোত্ দিবো।

লূকে লেখ্যে গম্ হবর্ 12:58 ပူးပေါင်းရင်းမြစ်များ

ইয়োব 22:21

“তুই গোজেনর কধালোই রাজি অ, তা বিরুদ্ধে শত্রু মনভাব ন-রাগেচ্; সালে তর্‌ মংগল্‌ অবঅ।

ইয়োব 23:7

সেক্কে এক্কো গম্ মান্‌জ্যে‌‍‌ ‌তাইদু আবিত্তি জানেই পারিদো; মঅ বিচেরগ আঢত্তুন সারা উমরত্তে মুই উদ্বোর্ পেদুং।

গীতসংহিতা 32:6

সেনত্তেই যেদকদিন সুযোগ আঘে সেদকদিন তর্ ভক্তগুনে তইদু তবনা গোরোদোক্; ঘেচ্চেকগুরি, দজা যেক্কেনে বান পানি ধোক্ক্যেন্ দেগা দিবো সেক্কেনে সিয়েন্ তারা ইদু ন-এবঅ।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

মথি লেখ্যে গম্ হবর্ 18:30

মাত্তর্ তে রাজি ন-অলঅ বরং কজ্জ ন-শুজোনা সং তারে জেলোত্ রাগেল।

২ করিন্হীয় 6:2

গোজেনে পবিত্র বোইবোত্ কোইয়্যেদে, “যগাজ্যে গুরি মুই তঅ কধা শুন্ন্যং আর পাপত্তুন্ উদ্ধোর্ পেবার্ দিনোত্ মুই তরে সাহায্য গোজ্জ্যং।” চাহ্, ইক্কিনে যগাজ্জ্যে সময়, এইচ্চ্যে উদ্ধোর্ পেবার্ দিন।

২ পিতর 1:15

মর্ মরণর পরেদিয়ো যেন তুমি এই বেপারানি আমিযে মনত্ থঅ, মুই সিয়েনর বেবস্থাগান গুরিবাত্যে ভারী চেষ্টা গুরিম।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।

ফগদাং পেইয়্যে 20:7

সেই আজার বজর্ থুম্ ওই গেলে পরেদি শদানরে তার্ জেলখানাত্তুন্ ইরি দিয়্যে অবঅ।