লূকে লেখ্যে গম্ হবর্ 12:46 - Chakma Bible

⁴⁶ সালে যেদিন্নো আর যে অক্তবোর্ কধা তে আজায়ো ন-গরে, সেদিন্নো আর সে অক্তত্ তা গিরোজ্‌‌‌সো এইনে আজির্ অবঅ। তে তারে কাবিনে দি কট্টা গুরি অবিশ্বেজিগুনো ভিদিরে তা জাগায়ান্ ঠিগ্ গুরিবো।

লূকে লেখ্যে গম্ হবর্ 12:46 ပူးပေါင်းရင်းမြစ်များ

ইয়োব 20:29

গোজেনে শদানুনোত্তে এবাবোত্তে গুরিনে ঠিগ্‌ গুরি রাগায়; সিয়েন অলদে তারাত্তে গোজেনর দিয়্যে অধিকার।”

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 37:9

পাজি মানুচ্চুনোরে ভস্ত গরা অবঅ, মাত্তর্ লগেপ্রভু উগুরে যিগুনে আজা রাগান্ তারা দেজর্ ভাগ্ পান।

গীতসংহিতা 94:14

লগেপ্রভু কনদিন্‌অ তা মানুচ্চুনোরে ন-ছাড়িবো; যিগুনে তার নিজোর সোম্বোত্তি তারারে তে ফেলেই ন-দিবো।

মথি লেখ্যে গম্ হবর্ 24:50

মাত্তর্ যেদিন্নো আর যে অক্তবোর্ কধা সেই চাগর্‌বো আজায়ো ন-গরে, নয়ো জানিবো, সেদিন্যে আর সে সময়োত্ তা গিরোজ্‌সো এইনে আজির্ অবঅ।

মথি লেখ্যে গম্ হবর্ 24:51

সেক্কে তে তারে কাবিনে দি'কট্টা গুরি ফক্করুনো সমারে তা জাগায়ান্ ঠিগ্ গুরিবো। সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

লূকে লেখ্যে গম্ হবর্ 12:40

সেবাবোত্যেগুরি তুমিয়ো হামাক্কায় যুক্কোল্ থাগঅ, কিয়া যে সময়ানর্ কধা তুমি আজায়ো ন-গরঅ সেই সময়ানত্ মান্‌জ্য পুয়োবো এবঅ।”

লূকে লেখ্যে গম্ হবর্ 12:45

মাত্তর্ যুনি সেই চাগর্‌‌‌বো নিজে মনে মনে কয় যে, মঅ গিরোজ্‌‌‌সো এত্তে দেরি গরের্। সেই সুযোগত্ যুনি তে অন্য চাগরুনোরে, মিলে আর মরদরে মার্‌‌‌পিট্ গরে, আর হানা-দানা গরানার্ পরেদি মাত্তল্ অলঅ।

লূকে লেখ্যে গম্ হবর্ 12:47

যে চাগর্‌‌‌বো তা গিরোজ্‌‌‌সোর আওজ্‌‌‌চান কোই পারিনেয়ো যুক্কোল্ ন-থায় বা গিরোজ্‌‌‌সো যিয়েন্ চায় সিয়েন্ ন-গরে তাত্তুন্ যদবদে সাজা পাহ্ পড়িবো।

ফগদাং পেইয়্যে 16:15

যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”