লূকে লেখ্যে গম্ হবর্ 12:31 - Chakma Bible

³¹ সিয়েনিত্তুন্ বরং তাঁর রেজ্যর্ পৌইদ্যেনে বেস্ত অ, সালে ইয়েনিয়ো তুমি পেবা।

লূকে লেখ্যে গম্ হবর্ 12:31 ပူးပေါင်းရင်းမြစ်များ

গীতসংহিতা 34:9

কিত্যে যিগুনে তারে ভোক্তি গরন্ তারার্ কনঅ কিজুর্ অভাব ন-অয়।

গীতসংহিতা 37:19

দুঘো দিনোত্ তারা লাজত্ ন-পড়িবাক্; রাদঅ দিনোত্ তারা যদেষ্ট হানা পেবাক্।

গীতসংহিতা 37:25

মুই গাবুজ্যে এলুং, ইক্কিনে বুড়ো ওইয়োং, মাত্তর্ গোজেন ভক্তগুনোরে বাদ দিয়্যে ওইয়্যে বা তারার্ বংশধরুনোর ভিক্ষ্যে গরা পরের্ এধোক্ক্যেন্ মুই ন-দেগং।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

লূকে লেখ্যে গম্ হবর্ 12:30

এ জগদর্ অন্য জাদ্‌‌‌তুনে সে বেক্‌ বেপারানিলোই বেস্ত অন্; ইয়েনি বাদে তমা বাপ্পো দঅ কোই পারে, তমার্ ইয়েনি দরকার্ আঘে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”